Daphne Akhurst

Daphne Jessie Akhurst, later Daphne Cozens, (* 22. April 1903 in Sydney; † 9. Januar 1933 ok dor) weer en austraalsch Tennisspelerin.

Daphne Akhurst (1925)

Se wunn 1925, 1926, 1928, 1929 un 1930 fiev Mal dat Daameneenzel bi de austraalsch Tennismeesterschapen, hüüd Australian Open nömmt. Dormit beleggt se achter Margaret Smith mit 11 Eenzelsiegen un Nancye Wynne, de sössmal wunn, den darten Platz in de ewigen Bestenlist vun dat Turnier. Fiev Mal hett se ok de Düppelkonkurenz wunnen: 1924 un 1925 mit Sylvia Lance Harper, 1928 mit Esna Boyd Robertson as ok 1929 un 1931 tsommen mit Louie Bickerton. 1931 hett se hör Karriere afslooten.

1930 hett se in Sydney den Tabakworenfarbikanten Royston Stuckey Cozens heiraadt, mit de se een Söhn, Don, harr. Nah hör fröh Dood bi de Gebort vun hör tweet Kind mit man blots 29 Johr wurr de Siegerpokal vun dat Daamenturnier vun de austraalsch Tennismeesterschapen in Daphne Akhurst Memorial Cup nömmt.

2013 wurr Akhurst in de International Tennis Hall of Fame upnommen.

Weblenken

• Kerry Reagan: Daphne Akhurst In: Douglas Pike: Australian Dictionary of Biography. Melbourne University Press, London 1966ff. ISBN 0-522-85382-X (engelsch)
• Daphne Akhurst in Tennis Australia (engelsch, mit Bild)