Dario Marianelli
Dario Marianelli (* 1963 in Pisa) is en italieenschen Komponist vör allen vun Filmmusik.
Marianelli studeer Klaveer un Komponeren an de Universitäten Florenz un London. Nadem hett he an de Gillhuus-School för Musik un Drama in London för een Johr as Komponist arbeidt. Dor weer he Baas vun de Gesellschop för Musik vun uns Tiet. Mit Stipendien möök he Kurse bi Judith Weir un Lloyd Newson un hett vun 1994 af an bet 1997 an de Natschonale Film- un Feernseh-School in Beaconsfield studeert.
Vun 1994 af an hett he anfungen, Musik för Filmen to maken. De eerste Film weer 1994 Models Required. To de bedüdensten Warken, de he mit Musik ünnermaalt hett, höört Pride & Prejudice, V for Vendetta un The Brothers Grimm.
1997 hett Marianelli den Benjamin-Britten-Pries för Kompositschoon kregen. För siene Musik to Pride & Prejudice weer he in der Kategorie Beste Filmmusik för den Oscar 2006 nomineert, den he later för Atonement kregen hett.
Filmografie (Utwahl)
ännern| Johr | Titel |
|---|---|
| 1997 | I Went Down |
| 2000 | Beeing Considered |
| 2002 | In This World |
| 2003 | I Capture the Castle |
| 2003 | September |
| 2005 | Shooting Dogs |
| 2005 | Pride & Prejudice dt.: Stolz & Vorurteil |
| 2005 | The Brothers Grimm |
| 2005 | V for Vendetta dt.: V wie Vendetta |
| 2006 | Shrooms |
| 2006 | 9/11: The Falling Man, Feernsehdokumentatschoon |
| 2006 | The Return |
| 2007 | Goodbye Bafana |
| 2007 | Atonement dt.: Abbitte |
| 2007 | The Brave One dt.: Die Fremde in Dir |
| 2009 | The Soloist dt.: Der Solist |
| 2009 | Agora dt.: Agora – Die Säulen des Himmels |
| 2010 | Eat Pray Love |
| 2011 | Jane Eyre |
Utteken
ännernDario Marianelli weer föffteihn mol för Filmpriesen vörslahn, dorünner al tweemol för den Oscar. Wunnen hett he opstunns fief Filmpriesen: + 1997: den Benjamin-Britten-Pries.
- 2007: den PFCS Award in de Kategorie Best Filmmusik för Atonement.
- 2008: den World Soundtrack Award in de Kategorie Beste Filmmusik vun’t Johr för Atonement.
- 2008: den Golden Globe in de Kategorie Best Filmmusik för Atonement.
- 2008: den Oscar in de Kategorie Beste Filmmusik för Atonement.
Weblenken
ännern- Dario Marianelli in de Internet Movie Database (engelsch)