Dat du mien Leewsten büst

Disambig.svg Dit Woort hett noch annere Bedüden: För dat Leed, vun dat de Naam vun dit Lederbook vun afkummt, kiek ünner Dat du mien Leevsten büst.

Dat du mien Leewsten büst (mit’n Ünnertitel 200 plattdeutsche Lieder aus Vergangenheit und Gegenwart) is en Lederbook, in dat op 440 Sieden 200 plattdüütsche Volksleder staht, utwählt un rutgeven vun Heike Müns. Rutbröcht hett dat de Florian-Noetzel-Verlag „Heinrichshofen Bücher“ in Willemshaven in’t Johr 1988 tohoop mit dat VEB Hinstorff-Verlag in Rostock.

InholtBearbeiten

In dat Lederbook staht op 440 Sieden en Lederdeel un en utföhrlichen Anhang.

De Lederdeel (S. 7-392) is nich in Kapittel indeelt. De 200 plattdüütschen Leder sünd alphabeetsch na de Anfäng vun de Leder optellt. Meist all de Leder warrt mit alle Strofen un mit Noten (eenstimmig, mit Akkorden) vörstellt. In welk enkelte Fäll is blot de Text afdruckt. De Utwahl schall „de Veelfalt an nedderdüütsch Leedgood bet to de Gegenwart dokmenteren, un dor ok en beten en Tietspegel för de bedüdensten Themen vun uns Tiet wesen, so as to’n Bispeel Ümweltbewusstsien un dat Insetten för en freedvulle Welt“ (Siet 393).

In’n Anhang steiht en utföhrlich Nawoort (Sieden 393-410), Footnoten to’t Nawoort (Sieden 411-414), en Greeptabell för Gitarrn- un Lutenspeel (Sieden 415), Quellen- un Literaturangaven to de Leder (Sieden 416-428), en Literaturlist (Sieden 429-432) un en alphabeetsch List vun de Anfäng vun de Leder (Sieden 433-438).

LiteraturBearbeiten

  • Heike Müns (Auswahl u. Hrsg.): Dat du mien Leewsten büst. 200 plattdeutsche Lieder aus Vergangenheit und Gegenwart. Rostock / Willemshaven 1988; ISBN 3-7959-0557-5; 440 Sieden