De Heinrico
De Heinrico is dat 19. Gedicht ut de Carmina Cantabrigiensia. Dat Gedicht stammt ut de Tied üm un bi 1000 n. Chr. un hett 40 Regen. Bi elk Reeg is de Anfang op Latiensch, de tweet Deel in en düütsche Spraak.
Wilhelm Seelmann hett de Thees opstellt, dat de Text von De Heinrico tooerst Ooldsassisch weer, later aver an’n Rhien dalschreven worrn is. Dorvon schall dat kamen, dat de Text deelwies hoochdüütsch lett[1]. Noch later is de Text denn in England, wohrschienlich in Canterbury, as Deel von de Carmina Cantabrigiensia afschreven worrn.
Dat Gedicht hannelt von Kaiser Oddo un Hertog Heinrich von Bayern, aver de Tosamenhang von’n Text is nich kloor un de Wetenschop is sik uneens, wat för’n Oddo un Heinrich dor mit meent is (Oddo I., Oddo II., Oddo III.; Heinrich I., Heinrich II., Heinrich III., Heinrich IV.).
Footnoten
ännern- ↑ Jahrbuch des Vereins für niederdeutsche Sprachforschung XXIII, S. 81