De Deerhound is en vun de FCI anerkannt britisch Hunnenrass (FCI-Gruppe 10, Sektschoon 2, Standard Nr. 164).

Deerhound
FCI - Standard Nr. 164
Oorsprungsland Vereenigt Königriek
Klassifikation FCI
  • Grupp 10
  • Sektschoon 2
Rassenaam nah FCI Deerhound
Anner Naams Scottish Deerhound, Highland Deerhound, Schottisch Hirschhund
Schufthööcht Rüde mind. 76 cm
Teev mind. 71 cm
Gewicht Rüde etwa 45,5 kg
Teev etwa 36,5 kg
List vun de Hunnenrassen

Herkunft un Geschichtliches ännern

De Deerhound wurr to de Hetzjagd up Hirsche (deer engelsch för Hirsch) tücht un deen in dat Middelöller den schottischen Adel as Begleithund. Ebenso as de Irisch Wulfshund geiht de Deerhound up de groot keltischen Windhunnen torüch; he weer ok an de Rekonstruktschoon van de letzteren Rass bedeeligt.

Dör dat Inführen van Scheetwappen to de Jagd hett de Deerhound sien Upgaav verloren, de Hirsch up Sicht to hetzen. In‘n Gegensatz to’n Wulfshund wurr he dornah aber ok för de Hirschjagd mit Füerwappen bruukt, dat so nömmt Deer-Stalking,[1] so dat sück sien Bestand över de Johrhunnerte nich wesentlich ännern dee. 1886 wurr de Britische Deerhoundclub grünnd, de den noch hüüd gültigen Rassestandard fastleggt hett.

Beschrieven ännern

De Deerhound is en groot bit düchtig groot (76 cm) eleganter Windhund mit dicht, zottelig, aber anliggend Fell, dat sück harsch un stief anföhlt. De Farven sünd dunkel Blaugrau, dunkleres un helleres Grau oder stroomt, as ok geel, tootsandfarven oder rootbruunlich mit swaart Mask un swaart Ohren, Läufen un Rute. Sien Ohren sünd lütt, hooch ansett un in de Ruhe torüchfalt (Rosenohren); in de Erregung wwurrn se över den Kopp haben.

De Rute is lang. Se is stark an’n Ansatz, verjüngt sück un reckt meest bit an den Grund. In’n Stand fallt se vullkommen liek af oder is upbagen.

Verwennen ännern

De Deerhound is en goot Begleithund, weniger flink as de Greyhound, aber starker un wedderstandsfähiger. As Sporthund löppt he Windhundrennen, to’n Bispeel bi’n Coursing. Wo disse Jagdmethood noch tolaaten is, kann he ok bi de Hasenhetze to’n Insatz kommen.

Wesen ännern

De Rassestandard beschrifft den idealen Deerhound so: „seine allgemeine Haltung [ist] von edler Würde geprägt. Sanft und freundlich. Gehorsam und leicht zu erziehen, da er bestrebt ist, zu gefallen. Fügsam und ausgeglichen, niemals mißtrauisch, aggressiv oder scheu. Zeigt sich mit ruhiger Würde.“[2]

Weblinks ännern

  Deerhound. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. William Scrope: Days of deer-stalking. London 1883.
  2. Vörlaag:FCI-Link