Diedrich Schröder

düütsch Politiker

Diedrich Schröder (* 5. Mai 1922 in Hammelwardersand; † 18. Dezember 2009 in Door'm) weer en düütschen Buur un Politiker von de CDU.

Schröder is 1922 as Söhn von en Buur op Hammelwardersand boren. Na dat Abitur 1941 is he na de Wehrmacht inberopen worrn un weer bet 1945 Soldaat in’n Tweten Weltkrieg. 1946 hett he anfungen Bueree an de Universität Göttingen to studeren. Da Studium hett he 1949 as Diplom-Landweert afslaten.

Schröder hett 1950 as Landweert un Tüchter den Wilhelminenhoff in Door'mersiel övernahmen. 1965 is he Vörsitter von’n Vereen von de Oostfreeschen Stammvehtüchters worrn un weer von 1967 bet 1986 Präsident von dat Oostfreesche Landvolk. Von 1981 bet 1992 weer he Präsident von de Düütsche Sellschop för Tüchtungskunn un is 1992 Ehrenpräsident von de Sellschop worrn.

Schröder is 1960 in de CDU ringahn. För de CDU weer he von 1969 bet 1983 Maat von’n Düütschen Bundsdag. He is jümmer över de Landslist Neddersassen wählt worrn. Von 1976 bet 1983 weer Schröder Viez-Vörsitter von’n Utschuss för Ernährung, Bueree un Forsten.

Literatur ännern