Dierstörp-Heid

Oort in’n Landkreis Horborg, Neddersassen
Wapen/Flagg Koort
hett keen Wapen
Dierstörp-Heid
Laag vun Dierstörp-Heid in Düütschland
Basisdaten
Bundsland: Neddersassen
Landkreis: Horborg
Samtgemeen: Hullnst
Gemeen: Winzendörp
Inwahners: 249 (2012-01-011. Januar 2012)
Postleettall: 21279
Vörwahl: 04165
Geograafsche Laag:
Koordinaten:53° 22′ N, 9° 44′ O
53° 22′ N, 9° 44′ O

Dierstörp-Heid (hoochdüütsch Dierstorf-Heide) is en Oort in de Gemeen Winzendörp (Samtgemeen Hullnst) in’n Landkreis Horborg, Neddersassen. De Oort hett 249 Inwahners (Stand 1. Januar 2012).[1]

GeografieÄnnern

Dat Water ut dat Rebeed flütt över’n Rollbeek un Aarbeek na de Eest hen af.

De Naveröörd sünd Olendörp un Mienenbüddel in’n Noordoosten, Wennersdörp in’n Oosten, Winzendörp un Dierstörp in’n Süüdoosten, Makensbrook in’n Süüdwesten un Hullnst un Appelbeek in’n Noordwesten.

HistorieÄnnern

De eersten Hüüs in Dierstörp-Heid sünd 1912 boot worrn. Toeerst weren dat to en groten Deel Feernhüüs. Na’n Tweten Weltkrieg sünd in düsse Hüüs Verdrevene intagen un ut de Feernhüüs sünd permanente Wahnhüüs worrn, so dat sik de Siedlung bilütten to en egen Oortsdeel wannelt hett.

De Hüüs sünd in’t Holt anleggt worrn un ok vondaag is de Oort noch von Bööm ümgeven.

VerwaltungsgeschichtÄnnern

De Oort weer bet 1932 in’n Kreis Horborg, de 1932 mit’n Kreis Winsen to’n grötteren Kreis Horborg tohoopgahn is.

De Oort hett von Anfang an bi de Gemeen Winzendörp mit bihöört.

ReligionÄnnern

Dierstörp-Heid is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Petrus-Kark in Bookholt tostännig.

Weertschop un InfrastrukturÄnnern

För Dierstörp-Heid is de freewillige Füürwehr Winzendörp mit tostännig.

VerkehrÄnnern

Dierstörp-Heid is över lüttjere Straten anbunnen an de Kreisstraten K 40 un K 63, de all beid in’n Westen na Hullnst an de Landsstraat 141 loopt. De K 40 föhrt in’n Süüdoosten över Dierstörp un Dreest na Trill an de Bundsstraat 75 un de K 63 in’n Oosten na Olendörp un in Mienenbüddel an de B 3.

De nächste Autobahn is de Autobahn 1 (Afsnidd HamborgBremen), de direkt an’n Oort langslöppt. De Opfohrt 45 Hullnst liggt so dree Kilometer in’n Westen von Dierstörp-Heid an de L 141.

De nächste Bahnhoff is so bi negen Kilometer wied weg in’n Süüdoosten de Bahnhoff Sprötz an de Bahnlien Hamborg–Bremen.

LüüdÄnnern

De Boxer Max Schmeling un siene Fro, de Schauspelerin Anny Ondra, hebbt en Huus in Dierstörp-Heid hatt un hebbt dor all beid bet to jemehr Dood leevt.

FootnotenÄnnern

  1. Dorferneuerungsplan Wenzendorf, Sied 22 (PDF; 27 MB)