Diskuschoon:Kriseninterventschoon

De Artikel is na mien Ansicht noch nich dat, wat he wesen schall. Vun de Form her fehlt dat an Struktur un Lenken. Aver dat is nich wieter slimm. Man, de Inholt is ok nich akkerat. De Begreep hett noch annere Bedüden as dat hier dorstellt is. Op de düütschen Wiki warrt dat veel beter opdröselt, war Kriseninterventschoon allens bedüden kann. Hier is dat alleen op den Rettungsdeenst betogen. Dat is to eensietig. Bito fraag ik mi, worüm dor överall de Afkörten KIT steiht. Wenn ik dat recht verstah is dat de Afkörten för dat Kriseninterventschoons-Team (villicht kann man dat ok noch mehr inplattdüütschen, t.B. Grupp an Steed vun Team, Ingriepen an Steed vun Interventschoon), oder? Wenn dat so richtig is, denn is mi dat to dörenanner in'n Text. "KIT-Team" is an sik Tüdelkraam - dat T steiht jo al för Team. Un de Artikel to dat Team sülvst is - so as he is över. Dor steiht neemlich nix binnen, wat nich ok hier al binnen steiht. --Iwoelbern ✍ 11:03, 4. Jul. 2011 (CEST)