Hauptmenü öffnen

Dominik Landertinger (* 13. März 1988 in Braunau am Inn) is en öösterrieksch Biathlet. Sien bither gröttsten Erfolge sünd de Gewinn vun de Goldmedaille in' Massenstart bi den Weltmeesterschaften 2009 vör Christoph Sumann un Iwan Jurjewitsch Tscheresow, die Sülvermedaille in de Staffel bi de Olympisch Spelen 2010 as ok Sülver in' Sprint un Bronze mit de Staffel bi de Olympisch Winterspelen 2014.

Leven un KarriereÄnnern

Landertinger verbroch de eerst Johren vun sien Leven in Weng im Innkreis. He leevt in Hochfilzen un hett en Lehre to'n Maschienbautechniker maakt. Der vun Reinhard Gösweiner traineert Sportler vun den HSV Hochfilzen bedrifft siet 1998 Biathlon un hörrt siet 2003 den öösterriekschen Natschonalkader an.

Landertinger weer en spoodriek Jöögd - un Juniorensportler. 2004 nehm he in Haute Maurienne eerstmals an Jöögdweltmeesterschapen deel un reck as best Ergevnis en negenten Platz in' Eenzel. Een Johr later wurr he över de sülvig Streck Söbenter un Veert mit de Staffel. Noch beeter leep dat för hüm 2006 in Presque Isle, wo he Bronze in' Eenzel un Sülver mit de Staffel wunn. Bit to Saisonenn' 2006/07 is Landertinger in' Junioren-Europacup antreeden, wo he 2006 in Obertilliach en Verfolgungsrennen wunn un dreemal up dat Podium leep. Sien Deelnahm an Jöögdweltmeesterschapen weer 2007 in Martell, wo he Sülver in' Sprint wunn, Veert in de Verfolgung wurr un mit de Staffel de Goldmedaille wunn. 2007 is ok bi de Junioreneuropameesterschap in Bansko un wunn dor Gold in Sprint un Verfolgung, as ok Sülver mit de Staffel.

Siet de darte Statschoon vun de Saison 2007/08, Pokljuka, trett Landertinger ok in Biathlon-Weltcup an un keem in sien eerst Rennen, enb Eenzel, sofort up den 18. Platz. In den folgen Sprint keem he bit up Platz 12. In de Saison 2008/09 wunn Landertinger mit de Staffel dat Weltcuprennen in Oberhof un wurr Tweet in Hochfilzen. An' 17. un 18. Januar 2009 reck he in Ruhpolding as Tweet in' Sprint un Dart in de Verfolgung ok in de Eenzeldisziplinen sien eerst Podestplätze. In Pyeongchang wunn he bi de Biathlon-Weltmeesterschapen 2009 dat Massenstartrennen vör sien Landsmann Christoph Sumann. An' Enn' vun dat Weltcupfinale in Chanty-Mansijsk 2009 seker he sück den Spezialweltcup in' Massenstart vör Ole Einar Bjørndalen.

Bi de Olympisch Winterspelen in Vancouver seker he sück mit de Staffel gemeensam mit Simon Eder, Daniel Mesotitsch un Christoph Sumann de Sülvermedaille achter dat Team ut Norwegen. Bi de Olympisch Winterspelen in Sotschi wunn he in' Sprint de Sülvermedaille achter Ole Einar Bjørndalen aber vör Jaroslav Soukup un as Slusslöper Bronze mit de Staffel, de in de glieker Besetten as 2010 leep.

Bi de Biathlon-Weltmeesterschapen 2016 keem he in dat Eenzel up Platz 2 achter Martin Fourcade un mit der öösterrieksch Staffel up den 4. Platz. Een Johr later reck he mit der öösterrieksch Mannschap den darten Platz.

2009 wurr Landertinger mit dat Golden Ehrenteeken för Verdeensten um de Republiek Öösterriek uttekent.

WeblenkenÄnnern