Dordrecht

Dordrecht is een nederlannsche Stadt, wo de Wetenschopper un Politiker Johan de Witt baren is. Se liggt in de Provinz Süüd-Holland (hollannsch: Zuid-Holland). Arno Brok (von de Partei VVD) is siet Februar 2010 de Börgermeester vun de Gemeen Dordrecht. He fölgt op Ronald Bandell (von de PvdA), de disse Steed vun 2000 harr.

Historie

De Stadt worr in't 12. Johrhunnert dat eerste Mol nöhmt, ünner den Naam Thuredrech. Se kreeg 1220 de Stadtrechten. In't Middelöller, nauer seggt nah 1421, as Dordrecht wedder an't Meer leeg, kreeg de Stadt een strateegsch Laag un worr een Zentrum vun den Levensmiddelhandel (vör allet Wien, Holt un Koorn) un een vun de sess gröttste Städer vun de Graafschop Holland. Dat oole Stadtzentrum tüügt von de rieke Vergangenheit. Ut disse Tiet besteiht een nah't Wienanborebeet Bordeaux nöömde Lagerhall Bordeaux un de Wienstraat. Dat 1253 grünnte Johan de Witt-Gymnasium is dat öllste humanistisch Gymnasium in de Nedderlannen. Den 14. Februar 1489 worrn twee Bünnisverdrääg in Dordrecht sloten, gegen den König vun Frankriek: Een twüschen dat Vereenigde Köönigriek un Öösterriek, un een anner twüschen Spanien un Öösterriek. 1619 geev dat in de Stadt de wichtig reformeerd Synood vun Doordrecht, mit Lü ut vele reformeerde Karken, bi de de Lehr, dat de Erwählung vun de Minschen dörch Gott vörbestimmt is, bestätigt worr. De Heidelbarger Katechismus un de Confessio Belgica worrn as Grundlaag vun den reformeerden Glooven annehmen.