Doris Kunstmann

Doris Kunstmann (* 22. Oktober 1944 in Hamborg) is en düütsche Schauspelerin.

Kunstmann is de Dochter vun de Schauspelerin un Grafikerin Erika Kunstmann un Produzent Georg Thiess. Se is bi hör Grootöllern upwussen un hett dornah en Internat in Sankt Peter-Ording besöcht. Se hett sück al fröh för de Schauspeleree intresseert un as se hör Middelschoolafsluss kregen harr, hett se sück up de Raat vun de Schauspeler Joseph Offenbach henn in Hamborg to’n Schauspeler utbilden laaten. Eerst Böhnenuptreden harr se 1962 an dat Hamborger Junge Theater, een Johr later debüteer se up de Lienwand mit en Nebenrull in „Sie fanden ihren Weg“. De Dörbröök as anerkannt Filmschauspelerin keem aber eerst 1968 as Nora in Ugo Liberatores „Das Geschlecht der Engel“, worut en enge Früendschap mit den italienschen Speelbass wurr. Mit hüm hett se denn ok noch de Films „Bora Bora“ (1968) und „Lovemaker“ (1969) dreiht.

Torüch in Düütschland hett Alfred Vohrer hör as Irene Waldegg in sien Simmel-Adaption „Und Jimmy ging zum Regenbogen“ (1971) besett. Twee Johr later weer se neben Harald Leipnitz noch mal ünner Alfred Vohrer in de Simmel-Film „Alle Menschen werden Brüder“ to seen. Dornah keemen ganz verscheeden Rullen in internatschonal Kinopruduktschonen. För de letzte Johren sünd dor to nömm: „Les Équilibristes“ (1992), „Happy Birthday, Türke!“ (1992), „Frauen sind was Wunderbares“ (1994), „Funny Games“ (1997); toletzt kunn man Kunstmann as Frau Pfeffer neben Hape Kerkeling in de Kummedie „Samba in Mettmann“ (2004) seen.

1975 kreeg Doris Kunstmann de Goldene Kamera vun de Programmtietschrift Hörzu. En Johr later hett se de Koopmann Michael Fuhrmann heiraat, de mit hör en Marlene-Dietrich-Film produzeeren wull. Aber dat Projekt wurrn to’n Desaster, Fuhrmann Konkurs anmellen wurr to en Gefängnisstraaf verurdeelt; Doris Kunstmann bleev up en Barg vun Millionen Schulden sitten.

Aber se leet sück dör disse privaat Torüchslääg nich ünnerkriegen. Se speelt nu faken in Feernsehregen und Feernsehfilmen mit, so as bi Derrick, Sonderdezernat K1, Ein Fall für zwei oder Tatort, aber ok in Regen as Adelheid und ihre Mörder, Schlosshotel Orth, Freunde fürs Leben, Edel & Starck.

Filmografie (Utwahl)

Johr	Titel
1963	Sie fanden ihren Weg
1966	Der Zauberer Gottes, Feernsehn
1967	Heißes Pflaster Köln
1968	Il sesso degli angeli dt.: Das Geschlecht der Engel
1968	Bora Bora
1969	Deine Zärtlichkeiten
1969	Lovemaker
1971	Und Jimmy ging zum Regenbogen
1971	Trotta
1973	Alle Menschen werden Brüder
1973	La morte negli occhi del gatto ddt.: Sieben Tote in den Augen der Katze
1973	Hitler: The Last Ten Days dt.: Hitler – Die letzten zehn Tage
1974	Ein ganz perfektes Ehepaar
1977	Orzowei, il figlio della savana, Feernseh-Minireeg dt.: Orzowei – Weißer Sohn des kleinen Königs
1977	Die Brüder
1980	Wyrok smierci dt.: Das Todesurteil – eine polnische Passion
1983	Nesthäkchen, Feernsehreeg
1992	Les équilibristes
1992	Happy Birthday, Türke!
1994	Frauen sind was Wunderbares
1997	Funny Games
1999	Meine beste Feindin, Feernsehn
2001	Gott ist ein toter Fisch
2002	Verrückt nach Paris
2004	Samba in Mettmann
2002-05	Edel & Starck, Feernsehreeg
2006	Die Krähen, Feernsehn
2007	Zwei Wochen Chef, Feernsehn
2009	Woran dein Herz hängt, Feernsehn
2011	Polnische Ostern
2011	Der Himmel hat vier Ecken
2012-14	Die Pfefferkörner, Feernsehreeg

Höörböker un -spelen (Utwahl)

2001: Ein Mann von der Straße
2003: Die Meute der Mórrígan, Hörspiel (Die Morrigan)
2004: Bitte streicheln Sie hier, Hörbuch (leest vun Doris Kunstmann)
2006: DiE DR3i – Die Pforte zum Jenseits, (Folge 2/2006, Stimm vun Dorothy Winter)
2006: Oskar und die Dame in Rosa, Stück von Éric-Emmanuel Schmitt

Weblenken

Doris Kunstmann in de Internet Movie Database (engelsch)