Doutzen Kroes

Doutzen Kroes (* 23. Januar 1985 in Eastermar, Gemeende Tytsjerksteradiel, Provinz Freesland) in de Nedderlannen, is en freesch Supermodel.

Leven

Na de Scholen hett Kroes 2003 en paar Biller ut'n Urlaub an de Modelagentur „Paparazzi Model Management“ in Amsterdam schickt. Se dach, se konn dor woll en beten wat mit bito verdenen. De Inhebber vun de Agentur, Sarah Keller, hett ehr to en profeschonell Shootimg inlaadt un denn gung dat fix un se kreeg Updräge för Tiedschriften in de Nedderlannen.

Wat se maakt

Kroes maakt Modenschauen för Marken, as Versace, Dolce & Gabbana un Fendi. Weltwiet is se dat nee Gesicht för dat Parfüm Eternity vun Calvin Klein. Dor folg se mit up Christy Turlington. 2005 hett se to'n eersten Mol bi de Victoria’s Secret Fashionshow mitmaakt. Vun September 2008 af an steiht se dor as „Angel“ unner Verdrag. Buten de Fackwelt weer se noch ganz unbekannt, as se 2006 en Exlusivverdrag mit L'Oréal unnerschreven hett. De harrn vördem jummers bloß mit Zelebritäten, as Claudia Schiffer, Laetitia Casta, Andie MacDowell, Heather Locklear, Natalie Imbruglia un annere to doon. Dor is se binnen en paar Maand to'n internatschonalen Supermodel mit wurrn.

Privat

Se leevt sunnerlich in New York City. Upwussen is se in de Provinz Freesland un sett sik vundeswegen ok för de Westfreesche Sprake in. An Sport bedrifft se Seilsport, Surfen, Danzen un Strietschohlopen.