Drents Heideschaap
Dat Drentse Heideschaap is de öllste Schaapraass in Westeuropa. Tohuse is dat in de Provinz Drenthe in de Nedderlannen. Dor kümmt dat vun de Tiet üm 4000 v. Chr. af an vör. Wohrschienlich is dat ut de Gegend vun dat hüdige Frankriek dor mit henbröcht wurrn.
Kennteken vun dat Drentse Heideschaap sund sien slanken Lief, en langen wullen Steert de bit an de Hacken langen kann, stieve un tämlich glatte Wull, duffe Haar up Kopp un Poten un en lieke Nese. Allerhand Klören sünd mööglich, man swart-bunte Tieren sünd nich bekannt.
De Raass warrt updeelt in en ole un en nee Form. De nee Typ is tostanne kamen, as Schoonebeeker Heideschaap inkrüüzt wurrn sünd. Dor güng dat üm en Nese bi, de en beten krummer ween scholl un ok üm lüttjere Höörn. Hüdigendags sünd de meisten Drentsen Heideschaap vun düssen neen Typ. Fröher is dat Schaap besunners vunwegen den Mess holen wurrn. Ohn düssen Mess weer Ackerbo nich mööglich. De lange stieve Wull is vun en bloß matige Qualität un as Fleeschschaap döcht de Raass ok nich över de Maten. Mit dat Utfinnen vun den Kunstmess sünd veel Schaapherden nich mehr bruukt wurrn. Hüdigendags weert Drentse Heideschaap bloß noch vunwegen histoorsche Grünnen holen un to'n Afgrasen vun Heid un Dünen, dat de nich towassen doot.
Kiek ok bi
ännernWeblenken
ännern- Raassprofil (nedderlandsch)
- Nedderlannsche Tuchtverband vun dat Drentse Heideschaap (nedderlandsch)