Edda Buding

Edda Buding (* 13. November 1936 in Lovrin, Rumänien; † 15. Juli 2014 in Aalen) weer düütsch Tennisspelerin.

Edda Buding hörr to de Volksgrupp vun de Banater Schwaben. Nah den tweeten Weltkrieg wurr he as Volksdüütsch ut Rumänien nah Düütschland verdreben. Hier fung denn en spoodriek Tenniskarriere an.

To hör gröttsten Erfolgen tellt de Sieg bi de German Open in’ Dameneinzel 1959 un de Gewinn Gewinn vun de Düütsch Meesterschapen in de Johren 1961 un 1962. Dorneben keem se in dat Mischt Dübbel 1957 mit hör Partner Luis Ayala bit in’t Finale vun de French Open, se hebbt denn aber tegen Vera Puzejova und Jiri Javorsky mit 6-3 6-4 verloren.

Ok den tweeten Platz kreeg dat Fruenteam vun de Düütsch Tennis Bund (DTB) 1966 in’t Finale vun de Federation Cup. Teamchefin Edda Buding ünnerleeg mit hör Teamkolleginnen Helga Hösl un Helga Niessen tegen de US-Fruenslüüd Julie Heldman, Billie Jean King un Carole Caldwell Graebner mit 3:0.

För hör Erfolge wurr se vun de Düütsch Tennis Bund (DTB) mit de Ehrennadel in Gold un an’ 29. Februar 1964 mit dat „Sülvern Lorbeerblatt des DTB“ ehrt. Dat „Sülvern Lorbeerblatt“ wurr bit dato blots söeben Mal an Fruen un fief Mal an Mannlüüd (dorvan twee Mal an en Davis-Cup-Team) vergeven.

Se is de eenzig düütsch Spelerin, de 1961 in de nee Tennis-Weltranglist vun dat US-amerikaansch Magazin »World Tennis« nömmt wurrd (up Platz 9).

Edda Buding weer de Süster vun Ingo Buding, de ok en bannig gooden Tennisspeler weer un ok dat Sülvern Lorbeerblatt vun de DTB kregen hett.

Weblenken

• Fed-Cup Statistik vun Edda Buding (engelsch)