Eduard „Edi“ Federer (* 20. Februar 1955 in Mühlbach am Hochkönig; † 30. Mai 2012 in Pfarrwerfen) weer en öösterrieksch Skispringer un Manager.

Federer sien Karriere fung bi dat FIS-Springen an’ 3. Januar 1971 in Innsbruck an. He hett den Wettkamp up de Bergiselschanze dormals up den 73. Platz afslooten. Nahdem he an’ 6. Januar vun dat glieker Johr in Bischofshofen ok blots up Platz 64 springen dee, nehm he en internatschonal Pause vun dree Johren un is eerst weer to de Veerschanzentournee 1974 antreden.

Bi de Veerschanzentournee 1974/75 reck he mit 874 Punkten den 2. Rang in de Gesamtwertung. Dat weer sein eenzig groot Spood. He kunn dorbi mit sien tweeten Platz bi dat Springen an’ 3. Januar 1975 in Innsbruck eerstmals un ok to’n eenzigen Mal in sien Loopbahn bi en Eenzelspringen up dat Podium kommen.

Nah sien aktiv Karriere hett he en Sportmanagement-Ünnernehmen grünnd un weer van 1992 bit to de sien Rückträe vun dat Skispringen 2003 de Manager vun Andreas Goldberger. Dornah hett he as Manager dat poolsche Skisprungteam betrüet un weer de persönlich Manager vun Adam Małysz un Thomas Morgenstern, bevör he sück 2010 upgrund vun en Nerven-Erkrankung torüchtruck, an de he denn in’ Mai 2012 storven is.[1]

Enkeld Nahwiesen ännern

  1. Skisprung-Manager Edi Federer gestorben up salzburg.orf.at. Afropen an’ 30. Mai 2012.

Weblenken ännern