Edmund Strother Phelps
Edmund Strother Phelps (* 26. Juli 1933 in Evanston, Illinois) is en US-amerikaansch Ökonom an de Columbia University, de 2006 „för sien Analyse vun intertemporaler Teelkonflikte in makroökonoomsch Politik“ den Nobelpries för Wertschapswetenschapen kreeg.
1951 hett he dat Amherst College besöcht, wo he 1955 sien Afsluss maakt hett. Dornah is he an de Yale University wesselt, wo he 1959 sien Doktertitel maakt hett.
1961 hett Phelps dorup henwiest, dat nich de Produktschoon pro Kopp, sonnern de Konsum pro Kopp maximeert weern muss. Dat is denn de Fall, wenn all Löhns konsumeert wurrn un all Zinsinkommen spaart wurrn, as Phelps wies. En optimale Spaarquote is also denn reckt, wenn de Zinssatz vun en Volkswertschap so hooch as de Wassdomsrate is. Disse Erkenntnisl gung as Goldene Regel vun de Akkumulatschoon in de Wassdomstheorie in. Kritiseert wurrd an de Golden Regel, dat se anners as de Ramsey-Regel vun Frank Plumpton Ramsey kien Tietpräferenzen berücksichtigt.
Privates
ännern1974 hett Phelps Viviana Montdor heiraadt mit de he twee Kinner hett. Bemarkenswert is todem, dat he kien Auto hett.
Ehrungen (Utwahl)
ännern- 2001: Ehrendoktertitel vun de Universität Mannheim
- 2006: Ehrendoktertitel vun Grande École Sciences Po Paris
- 2006: Nobelpries för Wertschapswetenschapen
- 2006: Ridder vun de Ehrenlegion
- 2006: Pries vun dat Kieler Institut för Weltwertschap
Böker
ännern- Golden Rules of Economic Growth, 1966.
- Models of Technical Progress and the Golden Rule of Research, Review of Economic Studies, 1966.
- Money-Wage Dynamics and Labor Market Equilibrium, Journal of Political Economy, 1968.
- Inflation Policy and Unemployment Theory. The Cost-Benefit Approach to Monetary Planning. W. W. Norton & Company, New York, 1972.
