Edmund Wilkens
Edmund Wilkens (* 23. Juni 1932 in Varel; † 20. September 2005 ok dor) weer en düütsch Schoolmeester un Schriever, de överweegend in plattdüütsch schreev.
Leven ännern
Nah de Schooltiet hett Wilkens Germanistik, Geschichte un Philosophie an de Universität Freiburg un de Universität Mönster studeert.[1] Um sien Studium betallen to können, hett he in disse Tiet as Fabrik- un Bauarbeiter arbeit un hett dorbi völ Erfohrungen för sien latere Schrievertätigkeit sammelt. Van 1956 bit 1988 weer he an de Realschool Varel as Schoolmeester tätig.[2]
Neben den Schooldeenst schreev Wilkens Böker, överweegend in plattdüütsch Spraak. To sien Wark hemm letztlich Hörspelen för den NDR un Radio Bremen as ok Essays, Upsätze un Vördrääg tellt. En Tiet lang weer he ok free Mitarbeiter van de Nordwest-Zeitung in Ollnborg, för de he ünner annern Glossen verfaat hett. Mit sien sonore Bassstimm weer he ok en beleevt Interpret un Spreker in’n Hörfunk. Dör sien Themenwahl wies he, dat plattdüütsch nich ollerwelsch is, sonnern ok to aktuell Problemen dörgahns Antworten geven kann.
Ehrungen ännern
- 1989 Freudenthal-Pries
- 1995 Europääsch Kulturpries van de Kathoolsch Akademie Stapelfeld
- 1998 Borsla-Pries van de Borsla Vereinigung für niederdeutsche Sprache und Literatur e.V. in Bösel
Warken (Utwahl) ännern
- De Klinkerstraat: Geschichten, Gedichte, Monologe, Ostendorp Verlag, Rhauderfehn 1984, ISBN: 3-921516-43-9
- Minschen an't Meer: Plattdeutsche Kurzgeschichten, De Utrooper-Verlag, Leer 1991, ISBN: 3-928245-09-0
- De Lüüd van Lüttstadt: Freche Geschichten, De Utrooper-Verlag, Leer 1991, ISBN: 3-928245-14-7
- Snee van Guntsiet: En Vertellen, De Utrooper-Verlag, Leer 1991, ISBN: 3-928245-91-0
Weblinks ännern
- [1] In: NWZ Online van’n 23. Juni 2012, afropen an’n 24. Februar 2019.
Enkeld Nahwiesen ännern
- ↑ Peter Hansen: Edmund Wilkens up niederdeutsche-literatur.de, afropen an’n 25. April 2019.
- ↑ Quelle: Verlag Michael Jung, Kiel 2000, ISBN 3-929596-90-3