Edward Adelbert Doisy
Edward Adelbert Doisy (* 13. November 1893 in Hume, Illinois; † 23. Oktober 1986 in St. Louis, Missouri) weer en US-amerikaansch Biochemiker un Hoochschoollehrer an de Saint Louis University. He hett sück mit Studien över Geschlechtshormone un Vitamin K1 (Phyllochinon) un Vitamin K2 (Menachinon) befaat. För sien Opdecken vun de chemisch Natuur vun dat Vitamin K kreeg he 1943 gemeensam mit Henrik Dam den Nobelpries för Medizin.
Leven ännern
He weer de Söhn vun Edward Perez un de sien Fru Ada, boren Alley. He hett 1916 sein Master vun de University of Illinois at Urbana-Champaign kreegen, ansluutend hett he 1920 sien Doktertitel (Ph.D.) an de Harvard University maakt. Van 1919 bit 1923 weer Doisy Associate Professor an de Washington University School of Medicine, 1923 wurr he Perfesser för Biochemie an de St. Louis University School of Medicine.
Doisy droog to dat Verbetern vun Methoden to Isolatschoon un Identifikatschoon vun Insulin bi. Nah hüm (tosommen mit Edgar Van Nuys Allen) is de Allen-Doisy-Test nömmt.
Sonstiges ännern
Doisy hett mehrere Ehrendoktertitel kreegen. 1918 hett he Alice Ackert heiraadt mit de he veer Söhns harr: Edward Adelbert Jr., Robert, Philip un Richard.
Warken ännern
- 1939: Sex and Internal Secretions (tosommen mit Edgar Van Nuys Allen un Charles Haskell Danforth)
Weblenken ännern