Echte
Dit Woort hett noch annere Bedüden: kiek dorför ünner Echte (Mehrdüdig Begreep).
Echt(e), ook Eh(e) oder Frie/Free, Heiraad un Hieraad es een förmliken, fasten Verbund twischen twee Personen (in männigen Kulturen ook meer as twee), de in de Sellschop goodheten un acht un faken med Ritualen oder Gesetten vulltogen wärd un in Zeremonien os de Hoogtied to’n Uutdruck kümt. Ene Echte na den Gesette to beennen heet sik scheden. Wat Echte bedüdd hänget van den Ümmestännen in de Sellschop un de Kuluttr af un wandel sik in de Loop van de Historie faken. Dat givt Religionen un Staten, de verlöövt, dat sik meer as twee Personen in ene Echte verbind. Dat heet Polygamie.
In den europääschen Kultuurruum es de Echte de Traditschoon na een Verbund twischen enen mann un ene Fru up Duur, in de bede för den andern instaat. In den Loop van den 20. un den 21. Jahrhunderd maken enige Staten de Echte ook för Personen med den lieken Slecht togänglik.
De befriggeten heet Ehepartners, Ehlüüd, Ehpaar oder Echtgenoten. De wievlike Ehepartnersche heet Ehefru oder kort Fru, minnächtig ook Oolsch(e) oder ooldfrnaknsch ook Wiev. De Fru bi de Hoogtied heet Bruud. De Männlike Ehepartner is de bi de Hoogtied de Brödegam un den de Ehmann, kort ook Mann.
De Familiengeschichtsforschung bruukt twee Krinks för dat Teken „befrigget“: ⚭ (Unicode U+26AD).