Eisbär Eis
De Eisbär Eis GmbH is en Ünnernehmen ut Obbens, dat Spiesies herstellt. Eisbär Eis stellt mit 500 Mitarbeiders in’t Johr so wat 60 Milljonen Liter Ies her un hett en Ümsatz von üm un bi 130 Milljonen Euro.
Historie
ännernDat Ünnernehmen is 1955 as EISBÄR EIS Gebr. Klehn oHG von de Bröder Wilhelm un Helmut Klehn in Neeklooster grünnt worrn.[1] Toeerst hebbt se vör allen Kunnen so as Gaststeden, Swemmbäder un Kiosken in de Ümgegend belevert. Tosätzlich is Eisbär Eis mit Leverwagens över de Öörd föhrt un hett dat Ies direkt an de Huusdöör an de Lüüd bröcht (Heimdeenstünnernehmen). 1982 sünd de Produkschoonsanlagen in Obbens nee boot worrn un Eisbär hett ok an’n Levensmiddelhannel levert. 1994 hett dat Ünnernehmen mit en Produkschoon in Plummendörp bi Ribnitz-Damgorn anfungen.[1] In de Johren 1990 hett de Verdriev an de Huusdöör ophöört un is verköfft worrn.
Dat Ünnernehmen hett 2009/2010 in Obbens för 14 Milljonen Euro en ne’e Lagerhall boot.[2] 2015/2016 is för üm un bi teihn Milljonen Euro op 1250 Quadratmeter noch en ne’e Produkschoonsanlaag för extrudeert Ies boot worrn.[3]
Eisbär Eis is ok nu noch in Familienbesitt von de Familie Klehn. De Warken in Obbens un in Plummendörp hebbt all beid so üm 250 Mitarbeiders.
In de Johren 2020 bet 2022 investeert dat Ünnernehmen 25 Milljonen Euro in ne’e Anlagen.[1] Dorbi warrt twee ne’e Lagerhallen, en Produkschoonsgebüüd un en Kantien boot.[1]
Footnoten
ännern- ↑ a b c d Björn Vasel: Eisbär Eis investiert Millionen, Stader Tageblatt an’n 24. Januar 2020
- ↑ Claudia Michaelis: Eisbär Eis expandiert am Standort Apensen Stader Tageblatt an’n 20. Mai 2015
- ↑ Nicola Dultz-Klüver: Eisbär Eis in Apensen baut eine neue Produktionshalle. Wochenblatt an’n 26. Mai 2016
Weblenken
ännern- Websteed von dat Ünnernehmen (hoochdüütsch)
Koordinaten:53° 27′ N, 9° 37′ O