El Mirador is de gröttste Stadt vun de Maya ut de Tiet, bevör de klassisch Tiet vun de Maya dor weer (Präklassik). De Ruinen liggt ganz in'n Noorden vun Guatemala in El Petén. Üm dat Johr 50 rüm hefft de Inwahners de Stadt verlaten, nümms weet, worüm. Eerst 1926 is se wedderfunnen wurrn. Dor gifft dat twee bannig grode Pyramiden: De een heet „El Tigre“ un is bi 55 Meter hooch, de anner ehr Naam is „La Danta“, de streckt sik bi 72 Meter hooch in'n Heben un baben up throont en Tempel. In El Mirador sünd veel Biller vun den Vagelgott Vucub Caquix funnen wurrn.

Kiek ok bi ännern

Weblinks ännern