Elektrisch Wedderstand

De elektrische Wedderstand oder ok Ohm’sch Wedderstand is de Weert, de de Proportschoon twüschen de Spannung un den Stroom angifft. De SI-Eenheit för de Wedderstand is Ohm un warrt mit dat grote Omega schreven: Ω. Dat Formelteken för den elektrischen Wedderstand is R Dat is vun’t ingelsch Woort „resistance“.

Ohm’sch Wedderstand

En Ohm’sch Wedderstand is en elektrisch Wedderstand, de nich vun Spannung, Stroom un Frequenz afhängt. Dorüm güllt för enen ohm’sch Wedderstand dat Ohm’sch Gesett för jede Spannung, Stroom un Frequenz. Mehrsttiets kann en ohm’sch Wedderstand mit en eenfach Bodeel mokt warrn, wat denn ook enfach Wedderstand (Bodeel) nömt warrt.

Gliekstroomwedderstand

För Gliekstroom güllt för de mehrsten elektrisch Leider (t. B. Metalldroht) dat Ohmsch Gesett. De Stroomstärk $I$ is proportschonal to de Spannung $U$. Düsse Faktor heet elektrisch Leidweert $G$. Dat is den de Kihrweert vun den elektrisch Wedderstand $R$.

Dat güllt:

$G={\frac {1}{R}}$ un $R={\frac {U}{I}}$

$U$ = elektrische Spannung

$I$ = elektrische Stroomstärk

De Weert $R$ warrt as Gliekstroomwedderstand nömt.

Wesselstroomwedderstand

Wesselstroomwedderstand

Wenn man dör en elektrisch Ding mit twee Ansluten (Tweepool) enen sinusföörmig Stroom lopen leet, denn kann man ok ene sinusföörmig Spannung meten. Stroom un Spannung sünd in de Tiet utenanner (Phase verschoben). De Proportschoon (Quotient) ut de Weerten vun Stroom un Spannung warrt as Schienwedderstand (Impedanz) Z nömt. Man mutt jümmers den Weert (de Stärk) un den Winkel utwiesen. Dormit kann de Schienwedderstand in de beiden Deele Ohm’sch Wedderstand (Wirkwedderstand) R un den Blindwedderstand X utrekent warrn. De Wirkwedderstand warrt ok as de ohm’sch Andeel vun de Impedanz nömt.

De Schienwedderstand warrt so utklamüstert:

$Z={\sqrt {R^{2}+X^{2}}}={\frac {u_{\rm {max}}}{i_{\rm {max}}}}={\frac {u_{\rm {Eff}}}{i_{\rm {Eff}}}}={\frac {|u|}{|i|}}$

un de Smieg (Phasenwinkel) twüschen U un I:

$\varphi _{z}=\arctan \left({\frac {X}{R}}\right)$

Kiek ok na dat Bild.

In faste Tostänn -bi Gliekstroom- gifft dat kenen Blindwedderstand un dat Ohm’sch Gesett kann brukt warrn.