Hauptmenü öffnen
Elin Danielson-Gambogi, Sülvstporträt 1903

Elin Kleopatra Danielson-Gambogi (* 3. September 1861 in Noormarkku; † 31. Dezember 1919 in Livorno) weer en finnisch Malerin, de besünners dör hör realistisch Porträts bekannt wurr. Se hörr to de eerst Generatschoon vun finnisch Künstlerinnen, de en akademische Utbillen harrn.

LevenÄnnern

Danielson-Gambogi hör Familie harr sweedsch Wuddels. Hör Öllern weern Karl Emil Danielson un Rosa Amalia Gestrin. De Vader hett sück 1871 sülvst um’t Leven brocht un hett sien Familie in finanziell Not achterlaaten. De Moder kunn blots mit Hülp vun hör Bröer de Utbillen vun hör Dochter mögelk maaken.

Af dat 15. Levensjohr studeer se billen Kunst an de Kunstakademie in Helsinki. 1883 gung se nah Paris, wo se an de Académie Colarossi ünner annern bi Raphaël Collin studeer. De Sömmermaanden hett se jewiels in de Bretagne verbrocht. Eenig Johren later kehr se nah Finnland torüch wo se mit hör Familie tosommen in Noormarkku un Pori leev. 1881 hett se in Noormarkku hör eegen Atelier apen maakt. Van 1880 bit 1890 hett se as Schoolmeestersche an verscheeden Kunstscholen in Finnland arbeit un leev tüschenin, van 1886 bit 1892, in de finnischen Künstlerkolonie Önningeby. 1895 kreeg se en Stipendium in Florenz. Se hett den italieenschen Maler Raffaello Gambogi (1874–1943) heiraadt. Dat Paar harr mehrere gemeensam Utstellungen, ünner annern bi de Pariser Weltutstellung 1900.

1919 wurr se swoor an en Lungenentzündung krank, woran se denn ok storven is. Se wurr in Livorno bisett.

WarkenÄnnern

WeblenkenÄnnern

  Elin Danielson-Gambogi. Mehr Biller, Videos oder Audiodateien to’t Thema gifft dat bi Wikimedia Commons.