Ellerbrook (Wingst)

„Ellerbruch“ wiest op düsse Siet. Dat Woort hett noch annere Bedüden: kiek dorför ünner Ellerbrook (Buxthu).

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Wingst
Inwahners:
Postleettall:	21789
Vörwahl:	04778
Geograafsche Laag:	53° 43′ N, 9° 3′ O

Ellerbrook (hoochdüütsch Ellerbruch) is en Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen.

Geografie

Ellerbrook liggt an de Süüdkant von de Wingst an’n Rand na dat Moor hen. In’n Süüdwesten liggt de Balksee.

De Naveröörd sünd Watermöhl, Dobrook un Wittenmoor in’n Noordoosten, Hemmoor un Westersood in’n Süüdoosten, Bröckelbeek un Varrel in’n Süden un Süderbusch, Bargkamp un Westerhamm in’n Noordwesten.

Historie

Nadem de Familie von der Wense 1935/1936 ut Wens wegmüss, as de Wehrmacht dor den Truppenövungsplatz Bargen inricht hett, sünd se na Ellerbrook tagen un hebbt dor in’t Holt von de Wingst Forstweertschop bedreven.

Inwahnertall

Johr	Inwahners
1824-00-001824	3 Füürsteden

Religion

Ellerbrook is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Kultur

Kriegsgraffsteed

In Ellerbrook gifft dat en Denkmaal för de Fullenen ut de twee Weltkrieg’ (95 Soldaten ut’n Eersten Weltkrieg un 150 ut’n Tweten), för 31 Soldaten, de to’n groten Deel noch na Kriegsenn doodbleven un von annerwegens ümbeddt worrn sünd, un för 22 Soldaten, de bi en Exploschoon an’n 27. Mai 1945 bi dat Rümen von dat Munilager in dat Zementwark Hemmoor doodbleven sünd.

Disse Ehrenhain liggt an en Steed, de üm 1900 rüm as Sandkuhl bruukt worrn is. De Hain is an’n 18. September 1921 inwieht worrn. För jeden Fullenen ut’n Eersten Weltkrieg is do en Eek plant worrn. Na’n Tweten Weltkrieg is in de noordoosten Eck en Rondell anleggt worrn mit negen Steentafeln mit de Naams von de Fullenen ut’n Tweten Krieg. Disse Anlaag is an’n 13. Juni 1954 wieht worrn. Von 2005 bet 2013 hebbt se de Anlaag instandsett, wat an’n 7. September 2013 mit en Goddsdeenst fiert worrn is.

Infrastruktur

Verkehr

Ellerbrook liggt an de Kreisstraat 21, de in’n Noordwesten na Süderbusch, Bargkamp un Westerhemm löppt un in’n Süüdoosten na Bröckelbeek. Na Wittenmoor un Dobrook geiht de K 23.

De nächste Bahnhoff is de Bahnhoff Wingst an de Nedderelvbahn bi Watermöhl.

Lüüd

De Politiker Ernst-August von der Wense hett dat Forstgood in Ellerbrook bewirtschaft un is dor 1966 ok doodbleven.

Weblenken

Ellerbrook (Wingst). Mehr Biller, Videos oder Audiodateien to’t Thema gifft dat bi Wikimedia Commons.