Emslänner Platt

Dat Emslänner Platt is en Dialekt vun de Plattdüütsche Spraak un warrt proot in'd Emsland. Dat gifft nich een Emslandsche förm, awer eigentlik gifft dat twee Varianten. De Grüpp tüsken de Westfaalsche un Nordneddersassische Dialektgruppe geiht döör d' Emsland hin un löp ungefähr bi Dörpen, Weerlte un Hässelke entlank. En écht düdliche Grenz kann man nich anwiesen. In dat Süden gifft dat Mönsterlandsche un Drentsche Infloten, in dat Norden gifft dat Grönnengsche un Oostfreesche Infloten un in dat Osten gifft dat Ollenborgsche Infloten.

De Grenze tüsken dat Westfaalsche un dat Nordneddersassische, wie angèven van dat Neddersassische Wörterbook

Bispööle van Infloot ut Drenthe is de Förm "wi bünt" vör "wi sünd", wat man in dat Norden seggt un "praten" vör "snacken". De Grönnengscher (un Westfaalscher) Infloot is tau sehn an de nördlige au-Lüüt in Wörter as "to" (utspraken as [tau]). Westfaalsche Infloten in dat Süden bünt de Diphthong -ia- of -iä- un de -w- vör -v- in Wörter as "öwer" un "awer" Dat nördliche Emslandsch is eng verwant an dat Westerwoldinger Platt, in de Provinz Grönneng in de Nedderlannen. Man lööft, dat vroger dat Emslandsch un dat Westerwoldsche noch enger verbunnen wassen un dat dat Westerwoldinger Platt du en förm Emslandsch was.

Westfäälsche Dialekt-Gruppen

Mönsterlänsk | Ostwestfäälsch | Süüdwestfäälsch | Westmönsterlänsk |
Nedderlandsch-Neddersassische Dialekte
(faken ok as egene Grupp)
Achterhooksch | Drenthsch | Sallandsch | Twentsch | Urkersch | Oost-Veluws | West-Veluws

Emslänner Platt (faken to’n Noordneddersassischen rekent)