De Enercon GmbH is de gröttste düütsch Hersteller vun Windkraftanlagen (WKA) mit Stammsitt in Auerk (Oostfreesland). Nah den Ümsatz is Enercon dat gröttste Ünnernehmen mit Sitt in Oostfreesland un dat negentgröttste in Neddersassen.[1] Mit mehr as 19.000 installeert Windenergieanlagen bi en installeert Leistung vun över 26 GW in över 30 Länner tellt dat 1984 vun den hüdigen Inhaber Aloys Wobben grünnd Ünnernehmen to de weltwiet führen Hersteller.[2] Neben Verdrievbüros in 22 Länner as ok 160 Service-Statschonen weltwiet bedrifft dat Ünnernehmen Produktschoonsstätten in Düütschland (Auerk, Emden, Haren (in' Upbau), Meideborg, Süüdbrookmerland), Sweden (Malmö), Brasilien (Sorocaba, Parazinho, Pecém), Portugal (Viana do Castelo), Frankriek (Longueil-Sainte-Marie, in' Upbau), Kanada (Matane), Törkie (Izmir) un Öösterriek (Zurndorf, in' Upbau).[3]

Hööftsitt in Auerk

Ünnernehmensprofil ännern

Enercon in' Weltmaatstaff ännern

Weltwiet beschäftigt de Enercon-Ünnernehmensgrupp mit tallriek Dochterünnernehmen över 12.000 Beschäftigte un harr 2009 en Ümsatz vun 3,4 Mrd. Euro. Dat Ünnernehmen besitt över 45 % vun de Patente in den Beriek vun de Windenergietechnologie weltwiet. En wiedere Besünnerheit an Enercon is, dat dat Ünnernhmen ünner de söben führen WEA-Herstellers (de en tosommenfaat Marktandeel vun över 90 % hemm) de eenzig nich-börsennoteert Kapitalsellschop dorstellt. Up den Weltmarkt stunn Enercon 2010 ünner de Windkraftanlagen Hersteller an fievt Stäe, dat meeten an de neeinstalleert Anlagenleistung.[4] In Düütschland is Enercon siet mehreren Johren Marktführer. 2011 bedroog de Marktandeel 59,5 % nah 59,2 % in dat Johr 2010 un 60,4 % in dat Johr 2009.[5] Wiel de dör Enercon installeert Leistung in 2010 weltwiet ca. 2800 MW bedroog bi 3,69 Mrd. Euro Ümsatz, drüff de Ümsatz in 2011 mit installeert 3180 MW (weltwie) bi ca. 4,1 Mrd. Euro leegen hemm.

Produkschoonssteden ännern

 
Gussfabrik in Georgsheil
 
Enercon-Produktionsstäe in’ Emder Haben (vörn): de Toornbau-Fabrik
 
Enercon-Geschäftshuus in Meideborrg

De Ünnernehmenssitt befind sück siet de Grünnen 1984 in den Auer Stadtdeel Extum, de Produktionsstätten dorgegen intüschen in den Stadtdeel Sandhörst. Anner produktschoonsstandöört sünd in Emden, Meideborg, Törkie, Brasilien, Malmö/Sweden un Viana do Castelo/Portugal. Enercon is vör Vestas und Siemens de Windenergieanlagenhersteller mit de weltwiet hööchste Fertigungsdeept. Generatoren, Gondeln, Beton- un Stahlröhrtoorns, Rotorblööf, Stüerungen, Leistungselektronik un en Deel vun de Gusskomponenten wurrn in eegen Fabriken vun dat Ünnernehmen fertigt. En Geeteree (Gusszentrum Ostfriesland, GZO) wurr tüschen April un November 2010 in Georgsheil tüschen Emden un Aurich erricht. Dorin wurrd de gussiesern Komponenten för de Windenergieanlagen fertigt. In de Geeteree sünd etwa 130 Arbeitsplatzen entstahn.[6] Totiet wurrd in den Eurohafen bi Haren (Eems), ca. teihn Kilometer nördlich vun Meppen, en Rotorblattproduktschoon mit tonächst rund 500, in en wiedere Utbauphase bit to 1000 Arbeitsplatzen erricht. Vun dor könnt de Rotorblööt middels Binnenscheep, Bahn oder per LKW to hör Bestimmensöörd transporteert wurrn. In en Tüschentiet weer de Errichtung vun dat Wark in Haren dör parallel vörandreven Plääns för en Köhlenkraftwark in dat benahbert Dörpen gefährdet, nahdem sück de Investoren för dat Kraftwark aber torüchtrucken harrn wurrn de Bauarbeiten aber intüschen upnommen.[7] De Fardigstellung vun dat Wark mit ansluutend Inbedrievnahm is för Juni 2012 vörsehn.[8]

In Oostfreesland is Enercon nah dat Volkswagenwark Emden de tweetgröttste Industriebedriev. Ok in Meideborg is Enercon en vun de gröttsten privaten Ünnernehmen. In Zurndorf, in't Burgenland wurr 2012 de Spadensteek to Errichtung vun en Fertigung vun Toorns för Windkraftanlagen för Öösterriek un Osteuropa mit en plaant Produktschoon vun etwa 200 Toorns pro Johr. Dat söllt etwa 200 Arbeitsplatzen entstahn un dormit en vun de gröttst Utlandswarken vun dat Ünnernehmen in' Beriek vun de Betontoornfertigung dorstellen.[9]

Historie ännern

Wu dat anfung ännern

 
Aloys Wobben

De gebörtig ut Rastdörp in' Landkreis Eemsland stammen Ingenieur Aloys Wobben hett de Firma Enercon 1984 in dat ostfreeschen Auerk grünnd. Anfangs bestunn de Firma blots ut wenig Ingenieuren. Eerst Produkentwicklung vun de Firma weer de Windkraftanlaag E-15/16, veer Johr later folgt vun de E-17 und E-32. Dat düer söben Johr, bit dat Lüttünnernehmen en eegen Fertigungshall in de Auerker Stadtdeel Extum uptrecken kunn. Dor hett de Zentraalverwalten noch hüüd ehr Sitt. De Dörbröök för dat jung Ünnernehmen keem 1993: Enercon stell de Windkraftanlaag E-40 (500 kW-Serie) vör, de eerste getriebelose Anlagengeneratschoon. Tietgliek fung de Fertigung vun Rotorblööt in de dorto eegens grünnd Firma Aero an. Dit Prinzip hett Enercon ok bi sien Expansion in de folgend knapp twee Johrteinten bibehollen: Nee Ünnernehmensberieken wurrn meest immer as nee Dochterünnernehmen grünnd.

Twee Johr den Produktschoonsstart vun de E-40 gelung Enercon mit de Entwicklung vun de E-66 en wertschaftlich groot Spood: De Anlagentyp wurr all tosommen mehr as 2000-mal verköfft. De Produktschoon harr dat Ünnernehmen in de Tüschentiet in de Gewerberebeet in den Auerker Stadtdeel Sandhörst utlagert, wo för de wiedere Expansion vun dat Ünnernehmen utreckend Flachen to Verfügung stunnen. As Nahdeel wies sück aber, dat de Produkte – vör allen de Rotoren – up den Weg to hör Upstellensoort per LKW dat Auerker Stadtrebeet queren mussen, weshalb Enercon later de Reaktivieren vun en Bahnstreck to'n Aftransport vun de immer grötter wurrn Rotoren vörandreev.

Mit den Koop vun en Fertigungsstätte in dat brasiliaansch Sorocaba (1996) fung de Utlandsexpansion vun dat Ünnernehmen an.

Industriespionaasch: De Fall Kenetech Windpower Inc. ännern

 
Verwaltensbuwark vun de USITC in Washington, D.C.

Medien hebbt siet Enn' vun de 1990er Johren bericht, dat de US-Geheimdeenst National Security Agency (NSA) 1994 dat düütsch Ünnernehmen Enercon mit Hülp vun Echelon afhört hett. De so wunnen Daten weern denn den amerikaanschen Konkurrenten Kenetech Windpower Inc. övermiddelt wurrn. Disse Firma harr denn de Daten bruukt, um sück Togang to de Karntechnologien vun Enercon to verschaffen un de in de USA to patenteeren. Enercon weer dordör de US-amerikaansch Markt bit to dat Johr 2010 verslooten ween.

Tatsächlich hett de tostännig US-Behörde, de U.S. International Trade Commission, in' August 1996 en Importverbott för Enercon bit to'n 1. Februar 2010 verhangt. Grund weer, dat Enercon mit den beabsichtigten Export vun 280 Windkraftanlagen in de USA den Anspröök 131 vun dat US-Patent 5,083,039 verletzen dee. Dat Patent wurr an' 1. Februar 1991, dree Johr vör de behaupt Spionaaschakschoon, vun de kalifoornsch Firma U.S. Windpower Inc. anmeld. 1993 wurr U.S. Windpower in Kenetech Windpower Inc. umnömmt. Kenetech hett dat Importverbotsverfohren gegen Enercon beandragt. In dat Verfohren hett Kenetech ok Fotos vun Bodeelen vun E-40-Windkraftanlaag vörleggt. Dit Material wurr in' März 1994 bi dat Besichtigen vun en E-40 wunnen, de Besichtigung funn mit Erloovnis vun den Besitter vun de Anlaag statt. De Gültigkeit vun dat Patent sülvst wurr vun Enercon in dat Verfohren vör de Kommission nich in Twiefel trucken[10]. Dat Patent wurr (nah de Insolvenz vun Kenetech in dat Johr 1996) vun de GE Wind Energy övernommen. De Enercon-Tietschrift „Windblatt“, 2/2003, Siet 11, berschrifft den Patentstriet ut de Sicht vun Enercon un wiest dorup hen, dat man siet den Vörfall dormit anfungen hett, sien Technologien mit eegen Patenten aftosekern. De Enercon GmbH un de General Electric Company hebbt 2004 hör Patentrechtsstriedereen bileggt, siet 2004 weer dormit de amerikaansch Markt för Enercon nich mehr verslooten.[10][11][12][13]

Rechtsstriet mit Enercon India Ltd. ännern

In' Februar 2011 wurr in eenig Medien vun en Rechtsstriet bericht, de de Enercon GmbH mit hör eegen, siet 1994 bestahn indisch Dochterünnernehmen Enercon India Ltd. (EIL) führen dee un de vun en indisch Gericht to Ungunsten vun Enercon entscheedt wurr. Enercon hett sück doruphen kumplett vun den indischen Markt torüchtrucken.

Dat staht Vorwürfe in' Ruum, dat de Geschäftsführer vun de indisch Dochter, de ehmalige Textilünnernehmer Yogesh Mehra ut Mumbai, sall de Kontroll över sien Geschäftstätigkeit ünnerbunnen, siet 2005 kien Dividenden mehr an dat düütsch Moderhuus afführt, siet 2006 kien testeert Afslüsse mehr vörleggt un toletzt mit ungesetzlichen Middeln de alleenig Verfügensgewalt över de Dochtersellschop an sück reeten hemm. EIL sall dornah de över Enercon verfügboren Patente as ok den Markennaam to eegen Verwennen röövt hemm. Todem wurr en ehmalg Enercon-Mitarbeiter in dat Meideborger Wark de Industriespionage för EIL överführt un rechtskräftig veroodeelt. Vör dat indisch Patentgericht IPAB in Chennai hett EIL up Freegaav vun de ansonsten weltlwiet anerkannt Patente up tallriek Enercon-Karntechnologien klagt. De indisch Richter hebbt twalf wichtig Enercon-Patente in Indien för unwirksam verkloort, mit de Begrünnen, dat de Patente nich de nootwennig Schöpfungshööcht recken deen.[14] Disse Technologien staht nu in Indien jeden to'n freeen Gebruuk to Verfügung. De düütschen Gesellschaper weern dormit „faktisch enteignet“ wurrn (Zitat Enercon Geschäftsführer Hans-Dieter Kettwig in de FAZ, 2. Februar 2011). In de Presse wurrn Bestekensvorwürfe erhaben.

An' 28. Januar 2011 weern de Geschehnisse Anlaat för en „Kleine Anfrage“ vun den Bundsdagsafordneten Garrelt Duin (SPD, an de Bundsregeeren to dit Thema, wat de to de Schuul vun düütsch Firmen in Indien to doon gedenken deiht. De parlamentaarsch Staatssekretät in dat Bundsjustizministerium, Max Stadler, hett dorto seggt, dat man den Striet bi dat indisch Hannelsministerium vörbrocht hett un dat ähnlich Fälle dor bitlang nich bekannt weern. De Entscheeden vun indisch Gerichten wull man aber nich kommennteeren un he hett dorup henwiest, dat de düütsch Bundsregeeren raden deiht, „dem Schutz ihrer geistigen Eigentumsrechte auf Auslandsmärkten ein besonderes Maß an Aufmerksamkeit zu widmen“.[15]

Bit dato (Februar 2012) bruukt EIL up sien Websteed de Naam un dat Logo vun Enercon, maakt Werbung för Enercon Windenergieanlagen ut indisch Produktschoon un bericht över loopen Prtojekte, ahn dorbi de Beziehung to de Enercon GmbH in Düütschland to verkloren. Blots en lütten Satz up de Hööftsiet wiest up den rechtlichen Disput hen ("Enercon (India) Limited has a pending dispute with Enercon GmbH on the use of Enercon"). [16][17][18]

Tätigkeitsberieken ännern

Dat Hauptgeschäftsfeld vun Enercon stellt de Bau un Verdriev vun Windkraftanlagen dor. Dorneben is Enercon ok noch in wiederen Sektoren as de Waterkraft tätig, ok hörrn Logistik-Ünnernehmen för den Transport vun de eegen Anlagen to'n Konzern.

Windkraftanlagen ännern

Technisch Konzept ännern

 
Löper vun en Windenergieanlaag

Enercon-Windenergieanlagen wiesen gegenöver Turbinen vun de meest anner Windkraftanlagenhersteller eenig technisch Besünnerheiten up. Charakteristisch is da getriebelose Anlagenkonzept, up dat Enercon as Pionier vun disse Technik[19] all siet 1993 sett. Bit 1993 harrn ok Enercon-Anlagen en Getriebetriebstrang. De Rotorblätter sünd getriebelos över de Nabe direkt mit den Löper vun en Ringgenerator (Synchrongenerator) verbunnen. Tosammen rotieren disse Baudeelen över en vörder un achter Hööftlager um en stahn Asszappen. So kann up den Insatz vun en störanfälligen un wartungsintensiven (to'n Bispeel dör regelmatig Öölwessel) mechanisch Getriebe verzicht wurrn. Dat wurrd dör en Sonderkonstruktschoon vun den Generator mögelk. Wiel de Generatorlöper mit de sülvig Dreihtall as de Rotor löppt, is ok de Antahl vun de mechanisch Lastwessel över de Levensdüer düütlich minner. De Generatordreihtall (un dormit ok de Rotordreihtall) is vun den Anlagentyp as ok de Windverhältnisse afhängig un bedrocht tüschen 18−45/min bi de E-33 un 5-11,7/min bi de E-126, wiels bi en Getriebeanlaag bi Nennleistung en Generatorendreihtall vun etwa 1500/min reckt wurrd.

De Enercon-Anlagen laten sück optisch licht vun de Anlagen vun anner Hersteller ünnerscheeden. De Maschinenhüüs (Gondeln) vun de Anlagen sünd siet Baujahr 1995/96 drüppelförmig. Dat Design vun disse upfallen Gondel wurr vun den britschen Architekten Lord Norman Foster entwickelt, de ünner annern ok de Kuppel vun den Berliner Rieksdag entworfen hett. In Düütschland un in völ anner Länner drocht de Toorn över dat Fundament farvlich afstuuft gröön Ringe, de vun ünner nah baben immer heller wurrn. Up Inseln bütt de Hersteller alternativ en Afstuufen in Blau an, as dat up de Insel Borkum umsett wurr. De NCS-Afstuufen (NCS = Natural Color Scheme) sall de Anlagentoorns beter in den Horizont integreeren. De Rotorblööt hebbt as eenzige up den Markt Blattspitzen ähnlich den Winglets bi Floogtüüch, de Fackbeteken dorför luut Tips. Wiederhen verzicht Enercon up den Gebruuk vun Permanentmagneten ut Neodym un sett stattdessen up frömderregte Ringgeneratoren.[20]

Enercon baut blots Onshore-Anlagen un lehnt Offshore-Anlagen wegen den technischen Upwand af.

Wichtig Anlagentypen ännern

 
E-82 up 138 Meter Toorn in Bayern

Nahfolgend wurrd de wichtigsten Windkraftanlagentypen vun Enercon upführt un knapp beschreven. Utführlich Informatschonen to de jeweiligen Anlagen, as ok de vullstännig List vun all vun Enercon fertigt Windturbinen sünd in de Produktpalette[21] vun Enercon to finnen.

E-82 ännern

De siet 2006 in Serie fertigt Windkraftanlaag E-82 tellt to de to Tiet an' fakensten erricht Windkraftanlagen in Düütschland. Se hett en Rotordörmeter von 82 Meter un harr oorsprünglich en Generator mit en Leistung vun 2 MW, de för middlere bit swaach Windbedingungen utleggt weer. Siet 2009 bzw. 2010 fertigt Enercon de E-82 ok mit Generatoren vun 2,3 un 3 MW. Wiels de E-82 E2 mit 2,3 MW wietgahn de oorsprünglich E-82 entspreckt un ok för de sülvig Windklass zertifizeert is, hannelt sück dat bi de 3-MW-Variante um en speziell för bannig windstark Regionen entwickelt Windturbine. Se unterscheedt sück in mehreren Punkten vun de beid anner Typen, bispeelswies hett de düütlich leistungsstarkere Generator en Waterköhlung statt en Luftköhlung, ok wurrn de Hööftgurte in de dree Rotorblööt ut Köhlenfaser fertigt. Anboden wurrd de E-82 up verscheeden Stahl- un Hybridtoorns mit Nabenhööchten vun 78 bis 138 Meter, womit en Gesamthööcht vun bit to 179 Meter reckt wurrd.

E-101 ännern
 
E-126 in' Windpark Schneebergerhof

Bi de siet 2011 herstellt E-101 hannelt sück dat um en nee entwickelte Binnenlandanlaag vun de 3-MW-Klass. Se entspreckt in hör Utleggen de oorsprünglich E-82, wobi aber sowohl Rotorflach as ok Leistung um rund 50 % stiegert wurrn. As ok bi de E-82 E3 hett de Generator Waterköhlung. De Anlaag wurrd mit 99 oder 135 Meter hooch Betonfardigdeeltoorn anboden un kann optschonal mit en Rotorblattheizung utstatt wurrn, de Erdragsinbußen upgrund vun Iesbildung in' Winter verhinnert. De Prototyp vun de Windenergieanlaag wurr Midden Juni 2011 bi Görmin in Mekelnborg-Vörpommer upstellt. Twee wiedere Prototypen, an de bit 2012 de Meeten to'n Erholt vun de Eenheitenzertifikate stattfinnen weern, entstunnen bi Haren. In' August 2011 wurr bi Kleingladenbach de eerste E-101 mit 135 Meter Nabenhööcht fardigstellt, se weer togliek de eersten Kundenanlaag, de utleefert wurr.[22]

E-126 ännern

De E-126 is mit en Leistung vun 7,5 MW de to Tiet leistungsstarkste Windkraftanlaag vun de Welt un wurrd in Lüttserie fertigt. Jeweils mehrere Exemplare staht in de Windparks Estinnes, Stößen, Werder/Kessin as ok in Auerk-Georgsfeld. De Prototyp wurr 2007 in' Windpark Rysumer Nacken bi Emden upstellt, wo en Energieerdrag vun etwa 20 GWh pro Johr verwacht wurr.[23] Oorsprünglich harr de E-126 en Leistung vun 6 MW un weer för wenig turbulente Starkwindstandöörd tolaaten (IEC IC). Nah en 2010 vörnommen Överarbeiten leisten de nee E-126 Windkraftanlagen 7,5 MW un sünd ok för IEC IA tolaaten. En Besünnerheit vun de E-126 is de Ümstand, dat se as bit dato eenzig Enercon-Anlaag över tweedeelt Rotorblööt verfügt. Disse Utführung wurr nödig, wiel sück besünners lang Rotorblööt an Land blots noch swoor transporteeren laaten. De binnere Deel vun en E-126-Rotorblatt besteiht dorbi ut Stahlblick un is rund 24 Meter lang, de butere Deel mit en Längt vun rund 35 Meter wurrd as de meest Rotorblööt ut glasfaserverstarkt Kunststoff herstellt. Anboden wurrd de de E-126 up en Hybridtoorn mit 135 Meter Nabenhööcht, de Gesamthööcht bedrocht 198,5 Meter.

Waterkraft ännern

De Instieg vun de Firma Enercon in dat Projekt Waterkraft fung in dat Johr 2001 an. Dorför wurr en neeordig Turbine entwickelt, de eenersiets up de Erfohrungen ut de Windkraft upbaut un up de anner Siet över en höhgeren Wirkensgrad verfügt. As Pilotprojekt sünd in' Juni 2009 twee Turbinen mit all tosommen 2300 kW in Raguhn an de Mulde in Bedriev nommen wurrn.

All in Juni 2007 harr Enercon bekanntgeven, dat Werserkraftwark Bremen an de Werserstaustoop bi Bremen-Hemelingen mit twee Kaplanturbinen mit jeweils 5 Megawatt Nennleistung uttorüsten. Baubeginn weer in Mai 2008.[24] A' 11. November 2011 gung de Anlaag to'n eersten Mal för en dree Maand düern Probetiet in Bedriev. Mit hör söllt jedes Johr 35.500 Tünn Kohlendioxid inspoort wurrn.[25] Dat wurrn twee Generatoren vun den Typ der E-82 Windkraftanlagen verbaut. Beid tosommen söllt jedes Johr ca. 42 GWh Strom produzeeren, wat den Bedarf vun ca. 17.000 Huushollen entspreckt, wenn mann 2500 kWh Stromverbruuk pro Huusholt un Johr togrunnen leggt.

In' Februar 2010 wurr damit anfangen, Generator un Turbine för dat Praterkraftwark in München to monteeren. De Generator stammt vun Enercon, en tüschenschalt Getriebe is somit nich nödig. Dat Looprad hett en Dörmeter vun ca. 2,3 m un en Masse vun ca. 30 t. De Leistung vun de Anlaag bedrocht 2,5 MW, mit en plaant Energieerdrag vun ca. 12,7 GWh pro Johr.[26]

Seewaterentsoltanlaag ännern

De Enercon-Seewaterentsoltanlaag arbeit footend up dat Prinzip vun de Ümkehrosmose (Insatz vun Membranen). Nah Utsaag vun den Hersteller wurrd dorbi kien Chemikalien to dat Upbereiten vun dat Water bruukt. Dör en patentierten speziellen Upbau vun de Anlaag sall de mehr Energie spooren un un' Bedriev flexibler as anner Ümkehrosmose-Seewaterentsoltanlagen ween. Dordör weer de Enercon-Anlaag besünners energiesporend, umweltfründlich un dör de Mögelkeit vun den flexiblen Bedriev good to de Energieversörgen dör Windenergieanlagen to bruken.[27]

Transport ännern

 
E-Ship 1 in’n Emder Haven

Enercon verfügt över en eegen lütt Reederee, de Enercon Shipping GmbH mit Sitt in Auerk. De Reederee wurr grünnd, nahdem Enercon dat E-Ship 1 harr bauen laaten. Dat Frachtschipp hett neben en Dieselandriev tosätzlich en Andriev middels Flettner-Rotoren un is somit en Rotorschipp. De veer vun Enercon entwickelt Flettner-Rotoren hebbt en Hööcht vun 27 m un en Dörmeter vun 4 m. Anstreevt is en Kraftstoffinsporen vun 30–40 % bi en Fohrt vun 16 Knoten. De E-Ship 1 transporteert för Enercon Deelen vun Windenergieanlagen af den Emder Haven. Baut wurr dat Schipp up de Lindenau-Werft in Kiel un nah de ehr Insolvenz 2010 bi de Cassens-Werft in Emden fardigstellt.[28]

Enercon is doröver herut an de Iesenbahninfrastruktursellschop Auerk-Emden mit 48 Perzent bedeeligt, Mehrheitssellschoper (51 Perzent) is de Stadt Auerk.

Enercon un de Apenlichlichkeit ännern

Verhältnis to Gewerkschapen ännern

Enercon wurr vörsmeeten, en gewerkschaplich Organisatschoon vun sien Mitarbeiters to verhinnern. Gewerkschapsliddmaaten, de en Bedrievsraat grünnen wullen, würr man mit Versetten un Kündigung gedroht.[29] In dat Wark Izmir söllt 70 Mitarbeiters entlaaten wurrn ween, wiel se de Gewerkschap Birlesik Metal-Is bitreden weern.[30] Dat gifft aber ok Warken, de en Bedrievsraat hemm, wenn ok – nah Dorstellen vun de IG Metall – in den Fall vun den Standoort Meideborg eerst, nahdem dat dortige Arbeitsgericht anropen wurrn weer, de de Wahl as rechtskonform instuufen dee.[31] Gewerkschapler kritiseeren todem den hoohgen Andeel vun Leiharbeiters an de Gesamttall vun de Beschäftigten in de Enercon-Grupp, ebenso, dat Enercon den Flachentarifvedtrag nich anwennen un dordör ünnerdörsnittlich betallen deiht.[32]

Windblatt ännern

Ünner de Naam Windblatt gifft dat in en Afstand vun dree Maand en Firmentietschrift online un as druckt Utgaav. Themen sünd aktuelle Projekte vun dat Ünnernehmen, Technik un Transport vun de Enercon-Windenergieanlagen as ok de Tosommenarbeit mit de Toleeferfirmen.[33]

Weblenken ännern

  Category:Enercon GmbH. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. Wirtschaft Niedersachsen. Die 100 größten Unternehmen in Niedersachsen, November 2011, afropen an' 25. Februar 2012
  2. Enercon – Unternehmensvorstellung, afropen an' 25. Februar 2012
  3. Florian Langenscheidt, Bernd Venohr (Hrsg.): Lexikon der deutschen Weltmarktführer. Die Königsklasse deutscher Unternehmen in Wort und Bild. Deutsche Standards Editionen, Köln 2010, ISBN 978-3-86936-221-2.
  4. Hermann Simon schrifft över de Enercon GmbH in sien glieknamig Book as Bispeel för en „Hidden Champion“. (Hidden Champions des 21. Jahrhunderts : Die Erfolgsstrategien unbekannter Weltmarktführer. Campus, Frankfurt a. M. 2007, ISBN 978-3-593-38380-4, S. 24.
  5. DEWI – Status der Windenergienutzung in Deutschland 2011, afropen an' 28. Januar 2012.
  6. www.enercon.de: Produktionsstart im Gusszentrum Ostfriesland, in: Windblatt, Enercon-Magazin, Utgaav 2/2010, S. 10 f.
  7. Bau der Enercon-Fabrik im Emsland beginnt 2011, afropen an' 25. Februar 2012
  8. Spatenstich für neues ENERCON Rotorblattwerk in Haren. Pressemitteilung vun Enercon van' 22. August 2011. Afropen an' 28. Januar 2012.
  9. Fabrik für Windräder in Zurndorf auf ORF-Burgenland an' 11. März 2012, afropen an' 11. März 2012
  10. a b Bericht der U.S. International Trade Commission
  11. Rechtsstandsdatenbank vun dat europäisch Patentamt
  12. Windblatt – ENERCON Magazin für Windenergie 2/2003
  13. Wind Kraft Journal & Natürliche Energien, Heft 2/96, Siet 36
  14. ENERCON INDIA LTD. (EIL) VS. ENERCON GMBH (EG)
  15. www.bundestag.de: Schriftliche Fragen mit den in der Woche vom 31. Januar 2011 eingegangenen Antworten der Bundesregierung, PDF-Datei (176 S.), S.58/59, afropen an' 20. Februar 2012.
  16. Frankfurter Allgemeine Zeitung 2. Februar 2011, Wertschapsdeel
  17. Emder Zeitung 6. Februar 2011
  18. Websteed vun de Enercon India Ltd.
  19. Mit oder Ohne?. In: Neue Energie 09/2010, Afropen an' 19. Februar 2012.
  20. Windblatt – ENERCON Magazin für Windenergie 02/2011
  21. Enercon Produktübersicht. Websteed vun Enercon. Afropen an' 25. Februar 2012.
  22. Windblatt – ENERCON Magazin für Windenergie 3/2011
  23. Windblatt – ENERCON Magazin für Windenergie 1/2008.
  24. http://www.weserkraftwerk-bremen.de/index.php, Weserkraftwerk Bremen, van' 9.4.2011
  25. Enercon: Startschuss für Wasserkraftwerk, afropen an' 25. Februar 2012
  26. Das Praterkraftwerk, afropen an' 25. Februar 2012
  27. Enercon Meerwasserentsalzungssysteme (engelsch)
  28. www.kn-online.de: Enercon beauftragte Emder Werft mit der Fertigstellung. „E-Ship 1“ ist jetzt die Starthilfe für die Cassens Werft., Kieler Nachrichten van' 25. Februar 2009, afropen an' 6. April 2010.
  29. taz-Bericht vom 24. Juni 2006: Betriebsräte bei Enercon unerwünscht, afropen an' 25. Februar 2012
  30. taz-Bericht vom 24. August 2006: Ökologisch und unsozial, afropen an' 25. Februar 2012
  31. www.igsz.eu (mm): Betriebsratswahl bei Enercon, PDF-Datei, 1 Siet, afropen an' 20. Februar 2012.
  32. www.igmetall-nieder-sachsen-anhalt.de: Rede des IG-Metall-Bezirksleiters Hartmut Meine in Magdeburg am 1. Mai 2011, PDF-Datei, 14 S., S.5/6, afropen an' 23. März 2012.
  33. ENERCON – Windblatt & Abonnement, afropen an' 25. Februar 2012