Engelbert Wrobel
Engelbert Wrobel (* 19. November 1959 in Dormagen) is en düütsch Musiker (Klarinett, Sopran-, Alt- und Tenorsaxophon, Bandleader) vun den traditschonellen Jazz.
Wrobel, de in de Eifel in Abenden, Kreis Düren, upwussen is, kreeg Klarinettenünnerricht (tonächst bi sien Vader) un speel tonächst in dat öörtlich Blasorchester. Mit sössteihn Johren wunn he mit sien Happy Jazzmen en eersten Pries bi Jugend jazzt.
All wiels sien Studium vun de klassisch Klarinett an de Robert-Schumann-Hochschule Düsseldorf wurr he 1986 Liddmaat vun Rod Mason sien Hot Five, mit de he mehr as dree Johr dör Europa touren dee. 1989 grünn he mit de Swing Society sien eegen Band, de siet 1998 ok mit Hazy Osterwald tosommenarbeit. Dorneben is he ok in Projekten as den Three Tenors of Swing aktiv un trett as Benny Goodman-Solist in dat King Of Swing Orchestra as ok mit dat Trio vun Frank Muschalle up. Wrobel speel in de Loop vun sien Karriere mit Musiker as Clark Terry, Harry Sweets Edison, Louis Bellson, Doc Cheatham, Chris Barber, Charly Antolini oder Greetje Kauffeld.
Diskographisch Henwiesen
ännern- Swing Society 20 Years
- Swing Society Sophisticated Swing featuring Dan Barrett
- Harlem 2000
- Hot Jazz 3 Meets Bob Barnard