Enrique De Paz
Enrique De Paz (faken ok Enrique Depaz schreven; * 1928) is en Politiker ut Brietsch-Honduras (PUP, CDP).
De Paz is 1928 boren un weer in de People’s United Party (PUP) un de General Workers’ Union (GWU) aktiv.[1]
Bi de Parlamentswahl in Brietsch-Honduras 1954 weer he Kannedaat för de PUP in’n Wahlkreis Cayo un hett de Wahl mit 85,5 % von de Stimmen gegen S. A. McKinstry von de NP wunnen. Bi de Wahl 1957 weer De Paz in’n sülven Wahlkreis Kannedaat un hett 50,1 % von de Stimmen kregen. Dormit kunn he sik gegen Eduardo Espat von de HIP un Hamid Musa von de NP dörsetten.
He weer von 1954 bet 1961 Maat von de Legislativversammlung.[1] An’n 6. Dezember 1957 hett De Paz dat Amt as Member of Natural Resources (Vörlöper von’n Minister för Natürliche Ressourcen) övernahmen, nadem George Price düt Amt opgeven müss.[2] 1958 is De Paz von de PUP to de nee grünnte Christian Democratic Party (CDP) överlopen.