Eric Stark Maskin (* 12. Dezember 1950 in New York City) is en US-amerikaansch Mathematiker, Wertschaftswetenschapler un Nobelpriesdräger. He is „Albert O. Hirschman Professor of Social Science“ an dat Institute for Advanced Study in Princeton, New Jersey. Eric S. Maskin is Harvard- un Cambridge-Afsolvent.

Prof. Dr. Eric Maskin to'n Anlaat vun en Lesung an dat Ithaka Science Center, Venlo, Nedderlannen

Leven ännern

Eric S. Maskin hett de Harvard-Universität besöcht, wo he 1972 sien Bachelor för Mathematik, 1974 sien Master för anwennd Mathematik un in dat sülvig Fack 1976 sien Doktertitel Ph. D. kreeg. Vun de Universität Cambridge wurr hüm 1977 ehrenhalber en Master verleeht. 1977 wurr he Dozent an dat Massachusetts Institute of Technology (MIT) un wurr dor ok 1980 to'n außerordentlichen un 1981 to'n ordentlichen Perfesser för Wertschapswetenschapen. 1984 hett he dat MIT verlaaten un wurr Perfesser in Harvard, wo he 1997 to'n Louis Berkman Professor of Economics nömmt wurr. 2000 wessel he denn an dat Institute for Advanced Study in Princeton.

Utteknungen ännern

He kreeg 2007 gemeensam mit Leonid Hurwicz un Roger Bruce Myerson för de Arbeit bi den Entwurf vun ökonoomsch Mechanismen den Nobelpries för Wertschapswetenschapen. Hurwicz gellt as Begrünner vun de Theorie; Maskin un Myerson harrn de wesentlich wiederentwickelt.

Privates ännern

Maskin is mit Gayle Sawtelle verheiraadt un hett twee Kinner.

Weblenken ännern

  Eric Maskin. Mehr Biller, Videos oder Audiodateien to’t Thema gifft dat bi Wikimedia Commons.