Erich Bäumler
Erich Bäumler (* 6. Januar 1930 in Weiden in der Oberpfalz; † 18. September 2003 in Rüsselsheim) weer en düütsch Footballspeler.
Loopbahn ännern
He weer technisch goot un wurr meestens in’n Angreep insett. Sien Loopbahn fung bi de SpVgg Weiden an, bevör he 1954 to Eintracht Frankfurt wesseln dee. He weer aber in entscheeden Situatschonen immer mal weer besehrt oder krank un wurr dordör in sien Entwicklung hinnert.
Wiels sien Tiet in Weiden wurr Bäumler 15 mal in de Bayern-Utwahl beropen, mit de he in de Johren 1952 bit 1954 jewiels den DFB-Lännerpokal wunnen hett. 1952 weer he för den Olympiakader vörsehn, wurr denn aber doch streeken.
1956 hett Bäumler zwee B-Lännerspelen maakt un een A-Lännerspeel. Denn truck he sück bi en Test en swoor Kneebesehren too, wat sien Natschonalmannschapsloopbahn beennen dee.
För Eintracht Frankfurt hett he över 300 Spelen för de eerste Mannschap maakt. 1960 is he to den 1. FSV Mainz 05 wesselt, för den he in 56 Böverligaspelen 26 Doren schaaten hett. Af 1962 führ he sien Karriere bi Opel Rüsselsheim wieder, wo he ebenso as bi Mainz 05 as ok de SG Hoechst, de SG Egelsbach, den VfR Groß-Gerau un de SG Kelkheim nah sien aktiv Tiet as Trainer tätig weer.
Spelerstatschonen ännern
- SpVgg Weiden (1945–54)
- Eintracht Frankfurt (1954–60)
- FSV Mainz 05 (1960–62)
- Opel Rüsselsheim (1962–65)[1]
Literatur ännern
- Lorenz Knieriem, Hardy Grüne: Spielerlexikon 1890 - 1963. In: Enzyklopädie des deutschen Ligafußballs. Band 8. AGON, Kassel 2006, ISBN 3-89784-148-7 (437 Sieden).
- Jürgen Bitter: Deutschlands Fußball-Nationalspieler : das Lexikon. SVB Sportverlag, Berlin 1997, ISBN 3-328-00749-0.
Enkeld Nahwiesen ännern
- ↑ Fritz Tauber: Deutsche Fußballnationalspieler. Spielerstatistiken von A bis Z. Aktualisierte und erw. Auflage. AGON-Sportverlag, Kassel 2010, ISBN 978-3-89784-366-0, S. 16.