Ernst-Ludwig Loewel

Ernst-Ludwig Loewel (* 8. November 1906 in Saarbrücken; † 6. April 1997) weer en düütschen Agrarwetenschopper.

Loewel is 1906 in Saarbrücken as Söhn von’n Gehemen Böverboraad Rudolf Loewel boren. He weer op dat Realgymnasium in Berlin un hett je dree Semester in Bonn-Poppelsdorf un Berlin Bueree studeert. In Bonn weer he Maat von dat Corps Hansea Bonn. In Berlin hett he 1929 sien Afsluss mit Diplom maakt. He is 1929 de eerste Baas von’n Obstbauversuchsring von Oolland worrn un weer 1934 de Begrünner von de Obstbauversuchsanstalt in Moorenn. He is dor Baas bleven, bet he an’t Enn von’t Johr 1971 utscheden is. Sien Nafolger weer Karl-Heinz Tiemann.

Loewel hett 1932 in Berlin sien Dr. agr. maakt un is 1955 Honorarperfesser an de Universität Hamborg worrn. 1969 is he in Hamborg an de Mathemaatsch-Naturwetenschopliche Fakultät Perfesser för Aavtbo un angewandte Botanik worrn.

Warken

• Die Obstbaumspritzung unter Berücksichtigung der Verbesserung des Gesundheitszustandes des Baumes und der Qualität der Früchte. Ulmer, Stuttgart 1937
• mit Siegfried Labus: Deutsche Äpfel, die Handelssorten. Norddeutschland und Niederelbe. Ein Bildwerk. Niemann & Moschinski, Hamborg 1941; Neeoplaag 2005 (Förderverein von dat Butenmuseum an’n Kiekbarg). ISBN 9783935096157
• mit Walter Quast: Die Apfelsorten, mit den dazugehörigen Baumformen, Unterlagen und Stammbildnern, die im deutschen Obstbau künftig bevorzugt zur Anpflanzung kommen sollen. Frankfurt (Oder) 1944.
• mit H. G. Blank: Hinweise für die Ernte und Lagerung unserer wichtigsten Apfel- und Birnensorten 1965/66. Becker, Uelzen 1965.
• Erdbeeren – neue Ergebnisse der Forschung. Parey, Berlin Hamburg 1979.