Ernst Georg Sonnin

Ernst Georg Sonnin (* 10. Juni 1713 in Quitzow bi Perlberg; † 8. Juli 1794 in Hamborg) weer en bedüüdend Ingenieur un Architekt in dat Tietöller van de Upklärung.

He weer de Söhn van den Paster Johann Sonnin un de sien Fru Rahel Elisabeth borene Struensee. Sonnin hett eerst Theologie studeert, dat denn aber ok weer upgeven. Denn weer he Lehrer för Latiensch un Mathematik, hett sück nebenbi mit mechanisch Arbeiten befaat un hett so Klocken, Globen, Maschinen un Instrumente maakt, wat den bald ok sien Hööftupgaav wurr. Dornah hett he he sück tosätzlich mit de Bowetenschap befaat.

Sien eerst Bowark, wat he betrüet hett, weer en Beerbraueree in Altno. Sien tweet Arbeit weer de Bo vun de Michaeliskark (de hüüd Michel nömmt wurrd) in Hamborg. Neben hüm weer as Bomeester ok noch Johann Bernhard Prey insett. Dat weer aber kien Duett vun de beid, sonnern ehrder en Duell tüschen de beid. Se weer beid nich eenfack in‘ Umgang. Sonnin gull as „Hagestolz“, de mit Dreespitz-Hoot un trucken Säbel dör Hamborg flaneeren dee und Prey weer wegen sien Charakter ok man jo nich beter ansehn. Se kreegen sück stännig in de Plünn. Eerst as Prey storven weer, gung dat vöran. Sonnin drüff denn later ok den Toorn vun de Kark bauen.

He hett dornah ok noch wiedere Karkenbauten in den noorddütschen Ruum maakt, toletzt weer he aber mehr in Lümborg tätig. In Lümborg is ok en School nah hüm nömmt wurrn.

Literatur

Franz Rappel: St. Michaelis, Hauptkirche und Wahrzeichen Hamburgs, Verlag Monumente und Menschen UG, Berlin, 2. Uplaag, ISBN978-3-939609-32-2

Weblinks

• Indrag bi deacademic
• Carl Bertheau: Indrag bi de deutsche-biographie.de