Ernst Heinrich Kossmann

Ernst Heinrich Kossmann (* 31. Januar 1922 in Rotterdam; † 8. November 2003 in Grunneng) weer en nedderlandschen Perfesser för moderne Historie (allens na dat Middelöller) an de Rieksuniversität Grunneng.

De Twillingsbroder vun den Schriever Alfred Kossmann hett blangen vele annere Publikatschonen (ünner annern över Polittheorie) dat grote Wark De Lage Landen över de Historie vun de nedderen Lannen, wat hüüt dat Rebeet vun de Nedderlannen, Belgien un Luxemborg is, schreven. Dat Book keem toeerst op Engelsch, denn ok op Nedderlandsch rut.