Ernst Lorenz Michael Rathlef
Ernst Lorenz Michael Rathlef (* 2. Januar 1742 in Langenhogen; † 14. Januar 1791) weer en düütschen Verwaltungsbeamten un Dichter.
Rathlef is 1742 as Söhn von’n Pastoor Ernst Ludwig Rathlef († 19. April 1768) in Langenhogen boren.[1] He hett sik an de Universität Jena inschreven un dor Juristeree studeert.[1] Later is he an de Universität Göttingen wesselt.[1] Na dat Studium is he in’n hannöverschen Staatsdeenst gahn. An’n 30. November 1764 is he Auditer bi dat Amt Neenborg worrn un an’n 12. Juni 1765 bi dat Amt Niestadt.[1] An’n 26. Mai 1768 is he in dat Amt Deepnau wesselt un an’n 22. Mai 1769 in dat Amt Langenhogen.[1] Rathlef is denn an’n 3. Mai 1774 Amtsschriever bi dat Amt Winsen worrn un an’n 3. April 1777 in dat Amt Arzen.[1] Von dor is he an’n 1. Mai 1787 as Amtsschriever in dat Amt Noordholt wesselt.[1] He schull bald Amtmann warrn, aver dor is dat nich mehr to kamen.[1] An’n 14. Januar 1791 is he doodbleven.[1]
Warken
ännern- Akademische Schrifft von den ältesten Hofämtern des durchlauchtigen Hause Braunschweig-Lüneburg. 1764
- Die Mohrin zu Hamburg. Hamborg 1775
- Vom Geiste der Criminalgesetze. 1777
- Beiträge zur Ökonomie des 18. Jahrhunderts. Lümborg 1785
- Serklaide. Lemge 1788
