Ernst Otto von Linsingen

düütschen Verwaltungsbeamten

Ernst Otto von Linsingen (* 1834 in Gifhorn; † 1920 in Ülzen) weer en düütschen Verwaltungsbeamten.

Von Linsingen is 1834 as Söhn von Bertha Wilhelmine, borene von Gruben (7. August 1807–24. März 1834), un den Amtsassesser Carl August von Linsingen (3. August 1803–30. Dezember 1899) in Gifhorn boren.[1] De Moder is kort na siene Geboort doodbleven. He hett an de Universität Göttingen toeerst Theologie un denn Juristeree studeert.[1] Na dat Studium is he 1856 in’n hannöverschen Verwaltungsdeenst gahn.[1] He weer toeerst Auditer bi de Ämter Wöltingerode un Springe un denn Amtsassesser bi de Ämter Brooksen un Herzberg. 1863 keem he as Amtsassesser un Hülpsarbeider na de Landdrostie Ossenbrügge un güng von dor 1864 as Hülpsarbeider na de Landdrostie Auerk. Dor weer he tosätzlich Hülpsarbeider von dat Kunsistorjen Auerk.[1] He is dor bet 1868 bleven.[1] In dat Johr güng he as tweten Beamten na Ollenstadt.[1] Dor is he een Johr bleven.[1] Von 1869 bet 1910 weer he Börgermeester von Ülzen.

Von Linsingen weer mehrmaals Kannedaat von de Natschonalliberale Partei to dat Prüüßsche Aforntenhuus. Bi de Wahl 1873 kunn he sik mit 5,8 % von de Stimmen in’n Wahlkreis Hannover 34 (Oosterholt, Leendaal, Blomendal) nich gegen Johann Mahlstedt dörsetten. Bi de Wahl 1879 is he noch wedder gegen Mahlstedt antreden. He hett 9,9 % von de Stimmen kregen un kunn sik wedder nich dörsetten.

An’n 18. März 1914 is he Ehrenbörger von Ülzen worrn. De Linsingenstraat in Ülzen is na em nöömt.

WarkenÄnnern

  • Ostfrieslands politischer Charakter historisch beleuchtet. Berlin 1867 (anonym rutgeven)

FootnotenÄnnern

  1. a b c d e f g Buch des Monats in der Landschaftsbibliothek Aurich