Eschen
Dit Woort hett noch annere Bedüden: kiek dorför ünner Eschen (Liechtensteen).
De Eschen (Fraxinus) sünd en Geslecht vun Bööm in de Familie vun de Öölboomplanten (Oleaceae).
| Eschen | ||||||||||||
|---|---|---|---|---|---|---|---|---|---|---|---|---|
 | ||||||||||||
| Systematik | ||||||||||||
| ||||||||||||
| Wetenschoplich Naam | ||||||||||||
| Fraxinus | ||||||||||||
| L. |
Eschen sünd Bööm un smiet in’n Harvst ehr Loof afsmeet. Blot een Oort, de Esch, kaamt in Europa vör. Üm un bi 65 Oorden kaamt op de nördliche Hälft vun de Eer vör, vör allen in de tempereerte Zoon.
De Blöten vun de Eschen hebbt een oder twee Slechter. Se warrt dör Insekten oder den Wind stöövt. De Frucht is en Noot mit langtogenen Flögel op een Siet.
Dat Holt vun vele Eschenoorden is temlich hart un brickt nich so licht. Fröher sünd dor ok Bagens vun maakt worrn, wenn keen Ievenholt dor weer. Ok annere Saken, bi de hart Holt bruukt warrt, as Baseballslägers, bi Musikinstrumenten oder bi Helften vun Warktüüch, warrt vun Eschenholt maakt. In’n Schippbo warrt Eschenholt faken för Masten, Bööm un Pinnen bruukt.
De Esch is ok en Motiv ut de Germaansche Mythologie, wo Yggdrasil de Weltesch vörkaamt.