Fehmarnsch Daagblatt

Dat Fehmarnsch Daagblatt (düütsch: Fehmarnsches Tageblatt) is een Daagblatt för de Insel Fehmarn un ward vun Mandag bit Sünnabend rutbracht. De Oploog liggt ünner 3000.

In dat Johr 1815 is de örste Blatt för Fehmarn publizeert woren, de Fehmarnsch Korrespondenz. Düsse Tiedschrift keem een bit tweemol in Maand rut und harr twee Sieden. Bald wör se wedder instellt.

1820 hett dat een anner versöcht, een Blatt in’t Leben to ropen. De Fehmarnsch Wochenzeitung vun de Advokaat Jes Greger, awer korte Tied later weer se wedder instellt. De Herutgeber hett seggt, dat de fehmarnsch Buer to fuul ton Lesen weeren, „un nu in de Oren doot se gonnix mehr lesen“.

Örst 1856 hett dat een mit Erfolg versöcht, een Blatt för de Fehmaraner to maken. De Verleger O.L. Rathje bröcht dat Fehmarnsch Wochenblatt rut. An Anfang harr he 157 Abonnenten. Vun dat Johr 1924 is dat Blatt nu as Fehmarnsch Tageblatt dägle rutkamen. In de Tied vun 1944 bit November 1949 keem dat Blatt nicht rut, örst dorna hebbt se vun de britische Besatzungsmacht een Lizenz kregen.

Siet 1989 gehört de Fehmarnsch Daagblatt to een Gruppe vun lütten Tiedschriften. Druckt ward dat Fehmarnsch Daagblatt in Neddersassen, awer de Redakschoon sitt in Borg.

Lang Johr weer Henning Wolff Chefredakteur un Herutgeber vun dat Daagblatt.

Weblenken

• Internetutgav mit aktuelle Norichten (hoochdüütsch)