Felix Rötger
Felix Rötger (* 1861 in Wittenberg; † 11. Dezember 1924 in Horborg) weer en düütschen Verwaltungsbeamten.
Rötger is 1861 as Söhn von Max Rötger, later Präsident von de Prüüßsche Staatsbank, in Wittenberg boren. Sien Broder weer Max Rötger. He hett Juristeree studeert. He hett an’n 27. Oktober 1890 dat twete Staatsexamen kregen un weer denn as Regerungsassesser bi dat Landraadsamt von’n Kreis Königsbarg. Von dor is he 1891 an dat Polizeipräsidium in Berlin versett worrn.
He is 1902 as Nafolger von Carl Freiherr von Wangenheim Landraad von’n Kreis Deefholt worrn un dor bet 1909 bleven. Sien Nafolger weer William Louis Eduard Quassowski.
Rötger is denn 1909 as Nafolger von Bernhard von Goeschen Landraad von’n Kreis Horborg worrn. He is dat bet to sien Dood 1924 bleven. Sien Nafolger weer Hans Helferich.
