Finkwarder Blomensand
De Finkwarder Blomensand (hoochdüütsch Finkenwerder Blumensand) weer en lütten Oort, de vondaag to Hamborg höört.
Geografie ännern
De Finkwarder Blomensand leeg in de Süderelv. Nadem de Ole Süderelv von de Elv aftrennt worrn is, is de Blomensand vondaag aver mit’n fasten Wall verbunnen.
De Naveröörd sünd Finkwarder in’n Noorden, Oolwarder in’n Oosten, Francop/Veertigstücken in’n Süden un Neefeld/Nincop in’n Westen.
Historie ännern
De Finkwarder Blomensand is vondaag Deel von dat Spöölfeld von de Slickdeponie Francop. Den olen Hoff op’n Blomensand gifft dat nich mehr.
Verwaltungsgeschicht ännern
De Oort hett vör de Tied üm 1765 rüm to de Vaagdie Finkwarder in dat Amt Horborg höört un weer denn von 1765 af an in de Vaagdie Oolwarder un Finkwarder. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn. Mit dat Groot-Hamborg-Gesett is de Finkwarder Blomensand to’n 1. April 1937 Deel von de Stadt Hamborg worrn.
Vondaag tellt dat Rebeed to’n Hambörger Stadtdeel Francop.
Inwahnertall ännern
| Johr | Inwahners |
|---|---|
| 1848[1] | 9 Lüüd, 1 Huus |
| 1. Dezember 1871[2] | 10 Lüüd, 1 Huus |
Religion ännern
De Finkwarder Blomensand is evangeelsch-luthersch präägt un höört to dat Kaspel von de Nikolai-Kark in Finkwarder. Von wegen, dat dor lichter hentokamen weer, hebbt de Lüüd von’n Finkwarder Blomensand sik aver ok na de Pankratius-Kark in Neefeld hollen.
Footnoten ännern
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
Koordinaten:53° 31′ N, 9° 51′ O