Flagg vun Amsterdam
De Flagg vun Amsterdam is de offizielle Flagg vun de nedderlannsch Hööftstadt Amsterdam. Se besteiht ut dree horizontaal Striepen Root-Swaart-Root un wiest up den swaarten Striepen dree witt Andreaskrüüzen. Inführt wurr de Flagg an’ 5. Februar 1975.[1]
Bedüüden ännern
De Farven vun de Flagg leiden sück vör allen ut dat Wappen vun de Stadt Amsterdam, oder beter vun dat Schild in dat Wappen, af. De Bedüüden vun de Farven un de witt Krüüzen kennt man nich. De Oorsprung kunn luut de Stadt Amsterdam in dat Wappen vun de Familie Persijn liggen, de inst en groot Deel vun dat Land um de Hööftstadt hör eegen nennen kunn. .
In de Wappen vun twee anner nedderlannsch Städer, Dordrecht un Delft, betreckt sück de middlere Striepen up Water. Betreckt man dat nu up Amsterdam, so würr de swaart Striepen för den Stroom Amstel stahn. Sowohl de Farven as ok de Krüüzen finnen sück in de Flaggen vun de Gemeenden Ouder-Amstel un Amstelveen.
Historie ännern
In dat 17. Johrhunnert entstannen all mehrere Entwürfe för en Stadtflagg, de allesamt up dat Wappen vun Amsterdam footen deen. Ünner annern geev dat en horizontal in söben Striepen Witt-Root-Swaart-Witt-Swaart-Root-Witt ünnerdeelt Exemplar, dat links vun de Midden verschaven dat dormalige Wappen vun de Stadt wies. Bit 1975 wurr allerdings inoffiziell en in de Farven Root-Witt- Swaart hollen Flagg bruukt. Ok de wies dat Wappen vun Amsterdam. En anner fröhere Flagg is de nedderlannsch Flagg mit dree swaart Krüüzen in de Midden.[1]
De Verzetsvlag ännern
1947 wurr dör de Stadt dör Königin Wilhelmina en so nömmt „Verzetsvlag“ (nedderlannsch) för „Wedderstandsflagg“) geeven. Dat passeer ut Anlaat vun de Inführen vun den nee Stadt-Wahlspröök Heldhaftig, Vastberaden, Barmhartig, (“Heldenhaft, Entslooten, Warmhartig“). Dat nee Motto wurr Amsterdam wegen sien Verdeensten in’ Tweeten Weltkrieg tospraaken.
De Flagg wiest dat Wappen vun de Stadt up witten Grund un is hüüd meest blots noch up Gedächtnisfiern för den Krieg to sehn.
Enkeld Nahwiesen ännern
Weblenken ännern
Flaggen vun Amsterdam. Mehr Biller, Videos oder Audiodateien to’t Thema gifft dat bi Wikimedia Commons.