Flagg vun Burundi

De Flagg vun Burundi is an’n 28. Juni 1967 offiziell inföhrt worrn. Se harr toeerst de Sietenproportschonen 2:3, wat an’n 27. September 1982 op 3:5 ännert worrn is.

Flagg vun Burundi (Format 3:5)

Utsehn un Bedüden

De Klören in de Flagg vun Burundi sünd root, witt un gröön. Se hebbt all jemehr Bedüden. So steiht Root för de Oppers in’n Kamp üm de Unafhangigkeit, Witt för den Freden un Gröön is dat Teken för Hapen un dat Wiederkamen.

In de Mitt vun de Flagg sünd dree Steerns mit söss Tackens to sehn. Se staht för den Wahlsprook Unité Travail Progrès („Eenigekeit Arbeit Wiederkamen“) oder för de dree Volksgruppen in’t Land, also de Tutsi, de Hutu un de Twa.

Da Schraagkrüüz in de Flagg schient vun de ollen Flagg vun de belgischen Flaagsellschop Sabena to kamen, man’n kloren Nawies gifft dat nich dorför.

Historie

To de Tiet vun dat Königriek Burundi vu 1962 bit 1966 weern an de Stedd vun de Steerns en Karenda-Trummel un en Sorghum-Plant afbillt. Vun jemehr Dorstellen sünd verscheden Faten överlevert. In de Tiet vun’n Ümbrook in’n November 1966 is vör korte Tiet en Flagg bruukt worrn, de gor keen Teken wiesen de. Laterhen, bit to’n März 1967, is de Sorghum-Plant wedder in de Flagg rinnahmen worrn. 1982 sünd de Sietenproportschonen ännert worrn.

• Histoorsche Flaggen
• 
  Flagg vun’t Königriek Burundi vun 1962 bit 1966 mit swarte Trummel
• 
  An’n 28. un 29. November 1966 bruukte Flagg
• 
  Vun’n 29. November 1966 bit to’n 28. März 1967 bruukte Flagg
• 
  2:3 Flagg vun’n 28. März 1967 bi to’n 27 September 1982