Flagg vun Dschibuti
De Flagg vun de Republiek Dschibuti is an’n 27. Juni 1977 to’n eersten mol hisst worrn, as Dschibuti sien Unafhangigkeit vun Frankriek kregen hett.
Flagg vun Dschibuti (Format ~21:38)Beschrieven un Bedüden
ännernDe Flagg is ut twee gliek grote waagrechte Striepens opboet. De bövere is blau, de ünnere is gröön. An’n linken Rand warrt de beiden Striepens vun en witt gliekschenkelig Dreeeck ünnerbroken, dat en fieftackigen roten Steern bargt.
De Klören staht för de beiden Volksgruppen in’t Land: blau is de traditschonelle Klöör vun de Issa, gröön is de traditschonelle Farv vun de Afar. Dat witte Dreeeck steiht as Teken för den Freden un sien roten Steern schall op de Eenheit vun de fief Regionen vun Dschibuti henwiesen. De Klören künnt aver ok anners düüt warrn, neemlich as Teken för de Eer (gröön), de See un dat Meer (blau) as ok för den Freden (witt), wobi de rote Steern de Eenheit vun’t Land betekent.