Flagg vun Laos

De Flagg von Laos wurr an’ 2. Dezember 1975 offiziell inföhrt.

Flagg vun Laos

Beschrieven un Bedüden

De Striepen hebbt en Proportschoon vun 1:2:1. Root steiht för dat Blood, dat in’ Kamp för de Unafhangigkeit vergoten wurr. Blau wiest op dat Diegen un de witt Schiev steiht för en strahlen Tokunft vun dat Land, oder in anner Lesoort, för den Maand, de över den Mekong schient. Se liggt op’n Middelpunkt vun de Flagg un hett en Dörmeter vun 80 % vun de Hööchd vun de blau Striep.

Historie

1893 wurr dat Rebeet vun de dree Königrieken Luang Prabang, Vientiane un Champasak, över de Siam dat Regeer harr, to en franzöösch Protektorat. Dorher wurr in de Gösch vun de Flagg vun dat Königriek Luang Prabang de franzöösch Trikolore toföögt. De Elefanten wiesen up dat olle Riek vun Lan Chang hen, de sien Naam översett „Millionen Elefanten“ bedüüt. 1949 kreeg Laos sien Unafhängigkeit in de Union Française. 1952 wurr de Trikolore wedder rutnahmen. Eerst 1954 hett Frankriek all Anspröök torüchgeven. 1975 wurr dat Königriek stört un Laos kommunistisch. To glieker Tiet wurr ok de hüüdig Natschonalflagg inföhrt.

• 
  Luang Prabang, bit 1893
• 
  Laos ünner franzöösch Protektorat, 1893 bit 1952
• 
  Königriek Laos, 1952 bit 1975
• 
  Königlich Flagg, 1952 bit 1975

Weblenken

Flaggen vun Laos. Mehr Biller, Videos oder Audiodateien to’t Thema gifft dat bi Wikimedia Commons.

• Flags of the World - Laos (engelsch)