Flagg vun Nörderneei
Nörderneei is en vun de wenig Gemeenden in Düütschland, de en eegen Flagg führen.
Beschrieven
ännernDe Börgerlich Flagg, as lütt Stadtflagg betekent, is horizontal sössmal witt-blau striept mit en swaart-witt kareerten Striep an’ Liek. Dat Verhältnis vun de Längt vun de Flagg to de Hööchst is dree to fiev. De blau Farv steiht för dat Meer, dat Witt symboliseert de Farv vun den Sand un dat Swaart steiht för dat holten Nörderneeier Seeteken van 1848 bit 1870. De groot Stadtflagg ünerscheedt sück vun de lütt Stadtflagg dordör, dat sück in den rechten Deel tosätzlich noch dat Stadtwappen vun Nörderneei befinden deiht. Disse Dienstflagg wurrd aber selten uptrucken.
De Ähnlichkeit vun de Nörderneeier Flagg mit de Bremer Stadtflagg, de ok ünner de Naam Bremer Speckflagg bekannt is, düüd up de good Hannelsbeziehungen to de Hansestadt Bremen in dat 19. Johrhunnert henn.
