Flagg vun Polen

De Flagg vun Polen wurr an’n 1. August 1919 inführt un is siet 1997 as Staatssymbol dör de poolsch Verfaten regelt. Siet 2004 wurrd in Polen an’n 2. Mai en Flaggendag fiert.

Flagg vun Polen

Beschrieven

Flagg vun Polen in' Wind

De Natschonalflagg vun Polen is en horizontaal tweedeelt Flagg in Witt un Root, wobi de witt Deel baben is. De bi offiziellen Anlaten bruukt Staatsflagg wiest todem dat poolsch Staatswappen in de Midden vun den witten Striepen. De root Farvtoon weer nah Inführen vun de Flagg 1919 anfangs nich fastleggt. Eerst 1921 keem dör dat Ministerium för militärische Angelegenheiten de Broschüre „Wappen und Flagge der Republik Polen“ herut, in de Purpurroot fastleggt wurr. 1928 aber bestunn de poolsch Präsident dorup, dat Zinnoberroot de korrekte Farvtoon weer. Disse Farv wurr bit 1980 behollen, bevör dat poolsch Parlament de Farven vun de Flagg an’n 31. Januar 1980 nah de Normen vun de Internatschonale Beluchtenskommission up Root fastleggen dee.

Upbau vun de Staatsflagg

Historie vun de Farvgeven

Purpurroot	Zinnoberroot	Root	Purpurroot 2
#DC143C	#FF4D00	#FF0000	#D4213D
1919-28	1928-80	anpasst	siet 1980

Historie

Historisch Bild mit de Flagg vun König Sigismund III.

Siet Anfang vun dat 13. Johrhunnert is de witt Adler dat Symbol vun Polen. In Verbindung mit dat root Wappenschild hett dat de Grundlaag för vööl Fahnen un Flaggen vun dat Land un sien Herrscher leggt.

• 
  Wladislav II. vun Polen (1386 bit 1434)
• 
  Sigismund II. vun Polen (1587 bit 1632)

Af 1815 bestunn dat ehmalge Hartogdom Warschau as Kongresspolen in Personalunion mit dat Russischen Riek. Dat wurr ok in de Flagg düütlich. De witt poolsch Adler befunn sück in de Gösch up roden Grund up en witt Flagg mit dat blau Andreaskrüüz, dat Symbol vun dat zaristisch Russland. Disse Flagg bleev bit 1918 bestahn.

All wiels den Novemberupstand 1830/31 hett Polen de hüüd bekannt witt-root Flagg. Wiels den Januarupstand 1863 hett man noch en Wappen in den witten Striepen inföögt.

De hüüdig Flagg wurr an’n 1. August 1919 offiziell inführt. Bi hör Inführen weer se vun de olt tschechoslowaaksch Flagg blots dör dat Siedenverhältnis to ünnerscheden, letztere wure aber 1920 ännert.

Wiels de düütsch Besetten wiels den Tweten Weltkrieg hett de Poolsch Heimatarmee de witt-root Flagg ünner Ergänzung vun de so nömmt Kotwica bruukt. Nah den Krieg wurr de olt Natschonalflagg an’n 20. März 1956 wedder herstellt.

• 
  Wappen vun den Januarupstand
• 
  Kongresspolen
• 
  Poolsch Heimatarmee

Wiedere Flaggen up natschonale Ebene

Seekriegsflagg

De Staatsflagg deent as Hannels- un Deenstflagg to See un wurrd ok bi de poolsch Botschappen un siet 1990 in den Habens vun dat Land bruukt. In en eerst Version geev de dat all siet 1919. 1927 wurr de Adler verännert un 1956, mit de Wedderinführen vun de natschonalen Symbole vun de Volksrepubliek Polen nah den Tweeten Weltkrieg, de Kroon entfernt. Mit Enn’ vun de Diktatur wurr de Kroon weer in dat Staatswappen inföögt un dormit ok in de Staatsflagg.

De sülvig Verännern hett ok de poolsch Seekriegsflagg dörmaakt, de in' Ünnerscheed to de Staatsflagg, en länglicheres Format un en Swolkersteert hett.

• 
  5:8Staatsflagg 1956 bit 1990
• 
  5:8Hüüdig Staatsflagg
• 
  10:21Seekriegsflagg 1956 bit 1990
• 
  10:21Hüüdig Seekriegsflagg

De Gösch vun de poolsch Marine wiest den Arm vun en Ridder mit en Schwert up en Tatzenkrüüz. Hülpsscheep führen de Seekriegsflagg in de Gösch vun en blau Flagg. De poolsch Grenzschuul bruukt de Staatsflagg mit en gröön Rahmen.

Eenheiten vun dat poolsch Militär hemm eegen Standarten. Se folgen all dat sülvig Design: En root Tatzenkrüüz up witten Grund un tosätzlich Symbolen.

De Flagg vun den Präsidenten wiest den witten Adler up roden Grund un witt Ornamenten an’n Rand.

• 
  Gösch vun de poolsch Marine
• 
  Flagg vun de Hülpsscheep
• 
  Flagg vun den Grenzschuul
• 
  5:6 Flagg vun den Präsidenten

Subnatschonale Flaggen vun Polen

Woiwodschap Grootpolen

Sowohl de 16 Woiwodschapen, as ok de Landkreise un Gemeenen vun Polen hemm eegen Flaggen, de deelwies up historsch Vörbiller torüchgahn. So stammt de rood-witt Flagg vun Danzig noch ut de Tiet vun de Hanse, wiels de Woiwodschap Oppeln Wappen un Flagg vun Böverslesien as Vörbild övernehm. De Woiwodschap Grootpolen bruukt Wappen un Flagg vun König Przemysław II. (1290 bit 1296).

• 
  Flagg vun Danzig
• 
  Woiwodschap Oppeln
• 
  Woiwodschap Grootpolen

Literatur

• Smith/Neubecker: Wappen und Flaggen aller Nationen. München 1980, ISBN 3-87045-183-1

Weblenken

Flaggen vun Polen. Mehr Biller, Videos oder Audiodateien to’t Thema gifft dat bi Wikimedia Commons.

• De poolsch Flaggen in de Flags of the World (engelsch)