Flagg vun Rhode Island
De Flagg vun Rhode Island wurr 1877 inführt un 1897 ännert.
Flagg vun Rhode Island Verhältnis: 29:33
De Flagg is mest quadratisch un witt. Se wiest in de Midden en golden Anker as Symbol för Haapen, de vun 13 golden Steerns ümgeven is. De staht för de oorsprünglich 13 Kolonien un den Status vun Rhode Island as 13. Staat, de de Verfaaten vun de USA ratifizeert hett. En blau Band ünnerhalv vun den Anker drocht in golden Bookstaven dat Staatsmotto: „HOPE“ (Haapen).
De Flagg vun Rhode Island wurr in de hüüdig Form 1897 formal inführt un wurrd faken mit en golden Soom an de Ränder dorstellt.