Flagg vun São Tomé un Príncipe

De Flagg vun São Tomé un Príncipe wurr eerstmals to’n Anlaat vun de Unafhängigkeit vun dat Land an’n 12. Juli 1975 as Natschonalflagg hisst un an’n 5. November vun dat glieker Johr offiziell inführt.

Flagg vun São Tomé un Príncipe

Bedüden

De Natschonalflagg bruukt de Panafrikaansch Farven. Gröön steiht för de Vegetatschoon un de Landwertschap, Root för dat Blood, dat in’n Kamp um de Unafhängigkeit vun den Inselstaat vergaten wurr un Geel symboliseert den Anbau vun Kakao, de 93 % vun de Exportgöder vun dat Land utmaakt. De twee Steerns sünd Sinnbiller för de twee Eilannen, ut de de Republiek besteiht.

Farven

System	Gröön	Root	Geel	Swaart
RGB	18-173-43	210-16-52	255-206-0	0-0-0
Hexadezimalformat	#12AD2B	#D21034	#FFCE00	#000000

Historie

Flaggenvörslag van 1967

Wiels de koloniale Tiet wurr up São Tomé un Príncipe de Flagg vun Portugal bruukt. 1967 geev dat en Vörslag för de Kolonien to de Flagg vun Portugal dat jewielige Wappen vun de Kolonie intofügen. De Vörslag wurr aber nich umsett.

De hüüdige Natschonalflagg foot up de 1972 inführt Flagg vun de Unafhängigkeitsbewegung MLSTP un is in den panafrikaansch Farven hollen.

Literatur

• Whitney Smith, Ottfried Neubecker: Wappen und Flaggen aller Nationen. Battenberg, München 1980, ISBN 3-87045-183-1.

Weblenken

Flaggen von São Tomé und Príncipe. Mehr Biller, Videos oder Audiodateien to’t Thema gifft dat bi Wikimedia Commons.

• Sao Tomé and Principe. Flags of the World