Flagg vun de Elfenbeenküst

De Flagg vun de Elfenbeenküst is an’n 4. Dezember 1959 offiziell inföhrt worrn.

Flagg vun de Elfenbeenküst (Format 2:3)

Beschrieven un Bedüden

De Natschonalflagg vun de Elfenbeenküst besteiht ut dree gliek grote piele Striepens, de vun links na rechts de Klören oraansch, witt un gröön wiest. As Trikolore hett se de Flagg vun Frankriek as Vörbild nahmen, wat de fröhere Kolonialmacht weer. De Flagg vun Irland sütt meist jüst so ut, man dor sünd de Klören spegelverkehrt anordent, un de Sietenproportschoon is bi de irischen Flagg mit 2:1 ok anners.

De bekannste Düden vun de Klören is disse: Oraansch steiht för de Savannen in’n Noorden vun’t Land, Gröön för de Woolden vun de süüdlichen Küstenrebeden. Witt steiht dorbi as de Eenheit twüschen Noord un Süüd.

Op de Websteed vun’n Präsident schall sik inst en annere Verkloren funnen hebben. Dorna weer Oraansch de Klöör vun’t Land, riek un riev, för den Sinn vun jemehrn Kamp un dat Blood vun en jung Volk, dat för sien Freeheit streden hett. Witt betekent den Freden mit de Gerechtigkiet. Gröön steiht för’t Hapen un de Wissheit üm en betere Tokumst.

Dorblangen gifft dat noch en drüdde Interpretatschoon, wo na Oraansch för den Geist vun’t natschonale Wieterkamen steiht, Witt för den Freden un de Reinheit un Gröön för’t Hapen op de Tokumst op Grundlaag vun’t Utnütten vun de Riekdömer vun de Natur.

Literatur

• Smith/Neubecker: Wappen und Flaggen aller Nationen, München 1980, ISBN 3-87045-183-1

Weblenken

Flaggen vun de Elfenbeenküst. Mehr Biller, Videos oder Audiodateien to’t Thema gifft dat bi Wikimedia Commons.

• Flags of the World – Cote dʼIvoire (engelsch)