Fleet (Bremen)
Fleet (hoochdüütsch Flethe) weer en Dörp, dat an dat Över von de Werser dicht bi Blomendal legen hett. De Oort hett to dat Amt Blomendal tohöört.
Historie ännern
Fleet leeg an dat Fleet Donau, dat de Bahrsplaat von de Werser aftrennen dee. De Naam Donau kummt wohrschienlich von Dode Au. In dat 19. Johrhunnert is dat Dörp jümmer mehr mit Blomendal tohoopwussen. 1862 is de Gemeen Fleet denn oplööst un Deel von de Gemeen Blomendal worrn.
In de Franzosentied von 1810 bet 1814 hett de Oort to de Mairie Blomendal in’n Kanton Vesack höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
Inwahnertall ännern
| Johr | Inwahners |
|---|---|
| 1793[1] | 10 Füürsteden |
| 1812[2] | 327 |
| 1824[3] | 63 Füürsteden |
| 1848[4] | 587 Lüüd, 73 Hüüs |
Religion ännern
Fleet is evangeelsch-reformeert präägt un höört to dat Kaspel von de Kark in Blomendal.
Weertschop ännern
Von 1840 bet 1865 hett de Maschinenfabrik J. Frerichs & Co in Fleet seten, is denn aver na Oosterholt tagen.
Lüüd ännern
De Polarforscher Eduard Dallmann is 1830 in Fleet boren.
Footnoten ännern
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 75: https://books.google.de/books?id=jN5QAAAAcAAJ&pg=RA1-PA75
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 106: http://books.google.de/books?id=Q 5OAAAAcAAJ&pg=PA106
- ↑ C. H. Jansen: Statistisches Handbuch des Königreichs Hannover. 1824, Sied 188: http://books.google.de/books?id=tG0AAAAAcAAJ&pg=PA188
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
Koordinaten:53° 11′ N, 8° 34′ O