Flooghaven Sunan
De Flooghaven Sunan is de Flooghaven vun Pjöngjang in Noordkorea. He liggt 24 Kilometer vun dat Stadtzentrum af bi’n Oort Sunan.
| Flooghaven Sunan 평양순안국제공항 | ||||||||||
|---|---|---|---|---|---|---|---|---|---|---|
 | ||||||||||
| IATA-Kood: | FNJ | |||||||||
| ICAO-Kood: | ZKPY | |||||||||
| Hööchd: | 36 m över de See | |||||||||
| Laag: | Koordinaten:39° 13′ N, 125° 40′ O39° 13′ N, 125° 40′ O | |||||||||
| Stadt: | liggt 24 km noorden vun Pjöngjang | |||||||||
| apen maakt: | 1948 | |||||||||
| Besitter: | Regeren vun Noordkorea | |||||||||
| Terminals: | 1 | |||||||||
| Bahnen: | ||||||||||
| ||||||||||
De Flooghaven hett twee Start- un Lannbahnen. De gröttere warrt vör allen för Flöög na butenlands bruukt, de lüttjere för Flöög binnenlands. In’n Sommer is de Flooghaven vun Klock 6 bet Klock 10 avends op, in’n Winter vun Klock 7 morgens bet Klock 9 avends.
De Flooghaven Sunan is de Hööftstüttpunkt vun de noordkoreaansche Flooglien Air Koryo. Bet 2000 harr de russ’sche Aeroflot Pjöngjang elk Week anflagen, hett dat denn aver opgeven. Weer nich noog los, dat sik dat noch lohnen dee. Toletzt harr noch China Southern Airlines bet November 2006 den Flooghaven anflagen. Vun November 2006 bet April 2008 weer dat man alleen Air Koryo, de in Sunan lannen un starten dee. Sietdem fleegt Air China dree Maal in’e Week na Peking. Welk Flooglienen doot ok Charterflöög anbeden na Taipeh un na Süüdkorea. Disse Flöög warrt veel vun Lüüd bruukt, de Verwandte in dat deelt Land besöken wüllt.
De Flooghaven hett 17 Parkbuchten för Flegers un twee Hangars.
Weblinks
ännern
- Offizielle Website (engelsch)